Jeremia 21:7 - KITABU KITAKATIFU

⁷ Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 21:7 Iomraidhean Croise

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 15:5

Yahova avoora, “O, munyi avandu va Jerusalemi, nivwaha ulimuvererera? Kandi nivwaha ulimulirira? Nivwaha ulakave nu vwiyangu kumuteeva kuli muzizagiliraa?

Jeremia 15:9

Mukali wagotiza avana veve saba umali kukinda, nukugamula imieka. Vulavu vwi lidiku lilie vumali kugirung'ana kugwa kisundi kenene; Umali kuduuka mu zisoni kandi mwoyo gwigwe gulwaye. Ndaleka avasigu vinyu viiti yavo kumunyi avakikiri mwoyo. Inzi Yahova, mali kovora.”

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 22:25

nu kukuviika ku avandu va ivi utizanga, avandu venya ku kwita. Ndakuviika mu zinguru ziu mwami Nebukadineza mwami wa Babiloni harara na avasikari veve.

Jeremia 27:6

Kalunu mali kuhaana vivala yivi viosi kuzinguru ziu mutumikiri wange, Nebukadineza, mwami wa Babiloni mutumikiri wange, kandi mali kokora kali zinyama ziosi ziu mbulimu kumutumikira.

Jeremia 32:4

na mwami Zedekia wi Ivuyuda si alahononoka kutura mu zinguru zia avandu va Babiloni mba navuzwa alaviikwa mu zinguru ziu mwami wa Babiloni. Alalolana naye moni na moni kandi alamoloma naye naveeye muvuhambe.

Jeremia 34:3

Si mulahononoka kutura kuye mba; navuzwa mulagumirwi manamuhirwi kuye. Mamumulore moni na moni kandi namulomome naye mwene; maku namuzie Babiloni.

Jeremia 36:29

Yahova yambolera mbolere mwami ndi, “Ivi umali kusamba Ikaratasi ilingiywi, kandi oteevi Jeremia kigira ki yang'oda ndi mwami wa Babiloni alaza kandi aladiviza kivala yiki nu kwita avandu vamenyi mu kandi zinyama.

Jeremia 37:17

Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Lisyoma lya Jeremia 2:20

Muporofeti avoora: O, Yahova, henza na uganagane! Nivwaha wa ivi wakolera ku yaga? Avakali vanyara kulia lwivulu lwi zinda ziavo, avana va valinda aveene? Musaalisi kandi muporofeti vanyara kwitirwa mu Litembeli lia Yahova?

Lisyoma lya Jeremia 2:22

Kuli ulaga ku lidiku lie lisavo, nindio umali kulagila kunyi avasigu ku zimbega ziosi. Si yaliho nu mundu kali mulala uwahononoka anoho uwahona mulidiku liilio liu vutima mba. Avasigu viitu vaadiviza avana va kwayaanza kandi ni kuvirukiza.

Ezekieli 23:28

Yaga nigo ga Yahova Wuvunyali avoora, “Ndakuviika mu zinguru zia vandu va ivi udunyiraa, kandi ava ivi uvihiliraa.

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Kwidzulitsa 28:50

ihiiri ihenzaa vululu ligali, itaveeye ni zimbavasi ku vasakulu kandi ku avasoleri.