Jeremia 21:5 - KITABU KITAKATIFU

⁵ Inzi ndamulwana nizinguru ziange ziosi, kandi, nu vutima vwange vululu.

Jeremia 21:5 Iomraidhean Croise

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Kutwula 9:15

Ndava nindanyiira mukono gwange kuduya ivi harara na avandu vovo nu vulwaye vudamanu, ngano mwadivizwa ligali.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 37:10

Kali niiva mulaguuta liihi liosi lia vandu va Babiloni, mavatigale avamali kurumindwa veng'ine nivagoni mumahema gaavo, avandu yavo vanyara kuvuka nukusamba lidaala yili nu muliru.”

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Lisyoma lya Jeremia 2:3

Yatulizaho zinguru zia vandu va Isiraeli mu vutima vwivwe uvululu. Yaatuliza vokonyi vwivwe kuvo imbiri wa vasigu vaavo. Yasamba visukululwi va Yakobo nolomemo lwu muliru, nukudiviza ivindu viosi.

Ezekieli 39:3

Maku ndaduya uvuta vwivwe vutuli mu mukono gwigwe mumosi kandi mivano jije ju vuta jituli mu mukono gwigwe mulungi.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.