Jeremia 21:10 - KITABU KITAKATIFU

¹⁰ Inzi mali kukalaga sindaleka lidaala yili mba, navuzwa ndalidiviza. Lilaheevwa ku mwami wa Babiloni kandi alalisamba numuliru lishie ligali. Inzi, Yahova mali kovora.”

Jeremia 21:10 Iomraidhean Croise

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Zaburi 34:16

navuzwa ahingiraa yavo avakolaa uvudamanu, kandi nukuvatuliza ku kivala nukwivilirwa ligali.

Jeremia 17:27

Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 33:5

Valala valalwaana avandu va Babiloni, avaazaa vizulizi zinyumba ni miviri ja vakuzu ja yavo avaananziti mu muvutima vwange. Inzi mali kugirung'ana kutura ku lidaala yili kigira uvudamanu vwa avandu valio vamali kokora.

Jeremia 34:2

Yahova, Nyasaye wa Isiraeli, yambolera nzie mbolere mwami Zedekia wi Ivuyuda ndi, “Inzi, Yahova nambane lidaala yili ku mwami wa Babiloni kandi nalisambe.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 38:17

Maku ndaavolera mwami Zedekia ndi, Yahova Wuvunyali, Nyasaye wa avandu va Isiraeli, yavoola, “Niiva ulihaana mu zinguru zia avanene vu mwami wa Babiloni, hene yaho, ulava mwoyo, kandi lidaala linene yili si lilasambwa mba. Ivi harara na avandu vi inyumba yooyo mulava mwoyo.

Jeremia 38:18

Navuzwa niiva si ulihaana mu zinguru zia vatumikiri vu mwami wa Babiloni, na yaho, lidaala linene yili lilahaanwa ku avandu va Babiloni, avaazaa valisambe nu kulidiviza, na ivi si ulahononoka kutura kuvo mba.”

Jeremia 38:23

Maku ndaameeda kovora, “Avakali vovo vosi kandi avana vovo vosi valahirwa ku avandu va Babiloni, na ivi mwene siulahononoka kutura kuvo mba. Mwami wa Babiloni alakokola kuva umuhambe, kandi lidaala linene yili lilasambwa nu kudivizwa ligali.”

Jeremia 38:3

Kandi ndavavolera ndi Yahova yaali navooye, “Ndahaana lidaala yili kuzinguru zie liihi lia Babiloni, na valaligumira.”

Jeremia 39:16

nzie mbolere Ebedimeleki kutura Ezopia ndi Yahova Wuvunyali, Nyasaye wa avandu va Isiraeli avoora, “Gaveeye vuzwa kuli ndaalaga, ndi ndaleta ikivi ku lidaala yili kandi si ndaleta uvugasu kulio mba. Ivi ulalola yaga nigakoleka.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 44:11

“Kunangwa Inzi, Yahova Wuvunyali, Nyasaye wa avandu va Isiraeli, ndamukolera uvudamanu kandi ndadiviza amadara goosi gi Ivuyuda.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Ezekieli 24:11

Maku ndaviika inyingu enzere ku manda gu muliru, ihie kuduuka yaakanye pa, kandi umugasa gwayo guhie, kunangwa iliiko liduuki kukamuluka muyo, kandi zisisinia ziayo ziduuki kukama.

Kyavalevi 17:10

Niiva mundu woosi, wa Isiraeli anoho mugeni umenyi hagati hinyu alalia inyama nikikiri mu na masahi, anoho ulia masahi goosi, ndamutuliza hagati ha avandu vange

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Amosi 9:4

Kali niiva avasigu valavavugula mu kuva mu vuhambe ndalaga viitwi. Mali kotovola kudiviza ligali nu kuvula kuvakonya.”

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”