Jeremia 20:9 - KITABU KITAKATIFU

⁹ Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 20:9 Iomraidhean Croise

Zaburi 39:3

kandi mwoyo gwange gwaaduka kuli muliru. Lwa ndazizagilira kuganagana, na uvusaaliri vwange vwameedeka ligali. Maku mu vusaliri vwange ndateeva,

Jeremia 23:29

Likuva liange liveeye kuli muliru kandi kuli inyundu ivunanyiaa zinyanda muvidonye.

Jeremia 23:9

Mwoyo gwange gusaliriziywi, kandi ndegeraa. Kigira Yahova, kandi kigira mang'ana geege matakatifu mbeeye kuli umundu umali kuhambika, umundu unweye Iwaini inyingi.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Ezekieli 3:3

Yambolera, “Mwana wu Mundu, ulie likaradasi lia mang'oda liangoheeza yili ma wiguti.” Ndaalia, na liali linolu ligali kuli vwuki.

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Jona 1:2

Yamuvolera, “Zia Nineve, lidaala linene yilio kandi wilwaze kulio, kigira mali kolola uvudamanu vwa avandu valio.”

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Luka 9:62

Yeso yamutivulira, “Sihaveeyeho nu mundu uviikaa mukono ku ligembe ma ahenza inyima, siaduukanaa kutumika mu Vwami vwa Nyasaye mba.”

Vikolwa 17:16

Lwa Paolo yaali naalindaa Sila na Timateo mu Azene, mwoyo gwigwe gwavihilirwa ligali lwa yalora kuli lidaala yilio liali nilizula vifananyi via avanyasaye.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”