Jeremia 20:11 - KITABU KITAKATIFU

¹¹ Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 20:11 Iomraidhean Croise

Zaburi 129:2

“Kutura mu vuyaayi vwange avasigu vange vamali kuundambiza vululu ligali; navuzwa sivanyalizi kunguuta mba.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 40:14

Leka yavo venya kunzita, vaguutwi ligali kandi vagoyana. Leka yavo avayaanzaa kigira uvudinyu vwange, viranywe inyima kandi vaduuki mu zisoni.

Zaburi 47:2

Mutie Yahova, oveeye igulu ligali kuvita aveeye mwami umunene ligali, uwamihaa ku lirova liosi.

Zaburi 6:10

Avasigu vange vosi valava soni kandi valahenda mwoyo. Valilanywa nukuviikwa mu zisoni vwangu.

Zaburi 65:5

O, Nyasaye, ivi ukutivuliranga ku likuha uvuguuti, kandi okolaa vindu viokogenyia okohonyia kunyi. Avandu ku lirova liosi, kandi engereka wi zinyanza zie ihale vasuuvira mu ivi.

Zaburi 66:5

Hambi mulole aga Nyasaye amali kokora, vikolwa vivie viveeye viokogenyia hagati ha avandu.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 45:16

Yavo vosi avalomba ivifananyi valava mu zisoni kandi valaleganywa; vosi valava mu zisoni.

Jeremia 1:18

Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 1:8

Utavatia mba kigira mbeeye harara na ive na ndakukinga. Inzi Yahova mali kovora!”

Jeremia 15:15

Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Jeremia 17:18

Viika yavo avandambizaa muzisoni, navuzwa utambika inzi mu zisoni mba. Leeta litihiza linene kuvo, navuzwa utatiihiza inzi mba. Leeta ikivi kuvo kandi uvadivizi ligali.

Jeremia 22:22

Imbuza ilahuuza avayi vinyu, avalina vinyu valahirwa kuli avahambe vi liihi, na lidaala lienyu linene lilava mu zisoni kigira uvwoni vwosi vwa mumali kokora.

Jeremia 23:40

Inzi ndaleta kuvo zisoni zitahera mba kandi lileganywa lilakavuli kwivilirwa.”

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?