Jeremia 20:10 - KITABU KITAKATIFU

¹⁰ Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 20:10 Iomraidhean Croise

1 Avami 19:2

Jezebeli yatuma makuva ku Elija navoora, “Avanyasaye vanzite niiva mugamba kuduuka ku ing'inga yiyi sindakola ku ivi kindu kilala chere cho okoli ku avaporofeti mba.”

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:27

Uvoolere vamuviki vuhambe kandi umulie mugadi namazi mere kuduuka lwa nzirana nimirembe.”

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

Ayubu 19:19

Avalina vange vosi viligali vandunyiraa, kandi yavo avandayaanza ligali kuvita, vaang'irung'ani.

Zaburi 31:13

Mbulira avasigu vanyingi nivamonyana; uvutihizi vungumbirizi zimbega ziosi. Valohiza kunzita mu vwivisu.

Zaburi 31:14

O, Yahova, navuzwa inzi suuviraa ivi; oveeye Nyasaye wange.

Zaburi 41:10

O, Yahova, ombere zimbavasi, kandi ombonyie kunangwa nduuki kuvaanza kisaalia ku vasigu vange.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Zaburi 57:4

Avasigu vange vamali kungumbiriza, vaveeye kuli zisimba ziveeye ninzara izienyaa kulia avandu. Amiinu gazio gaveeye kuli amatimu kandi mivano ju vuta; na zinimi ziavo ziveeye kuli vivavi viugi.

Tsing'ano 10:18

Uyu uvisaa lidunyira lilie aveeye muvehi; na oyo ulandizaa makuva gavuzwa aveeye musiru.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 11:21

Avandu va Anazozi vaali ni lilohiza kunzita. Vambolera ndi, valanzita niiva ndazizagilira koporofeta amakuva ga Yahova.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:3

Ku lidiku lialonda ku, inyima wu musaalisi Pashuri yaali ni yakamboholora kutura mu ijera, ndaamuvoolaa, “Yahova si yaakugulika lieta liilio Pashuri mba. Lieta liamali kukugulika ni ‘Litihiza Havundu hoosi.’

Jeremia 37:13

Navuzwa lwa ndaaduuka mu kirivwa cha Benjamini, umundu walangwa Irija, mwana wa Shelemia mwisukulu wa Hanani, munene ulindaa avasikari vaaliho ku miyinzi, yasingiriza navoora, “Ivi ung'anyaa kuzia mu vandu va Babiloni!”

Jeremia 6:25

Kutazia ichova mumilimi anoho kogende kuzinzira, kigira avasigu vaveeye nivivavi kandi litihiza liveeye muzimbega ziosi.”

Ezekieli 22:9

Valala kumunyi vavoola ovovehi kigira vandu, vandi, kunangwa vaduuki kwitwa. Valala kuvo valiza visiuviliru vihaaniywi ku vifananyi. Valala vaduukiza liegomba liavo liumuviri vuli ing'inga.

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Vikolwa 24:13

Sivanyala kololekiza imbiri woovo ndi amayaalo gavanzaalira ku ivi gaveeye agiligali mba.

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

Vikolwa 7:54

Lwa avakulundu vi kiyaalo vahuliriza amakuva ga Sitefano, vavihilirwa ligali, nivalumanyia amiinu gaavo mu uvutima.