Jeremia 2:8 - KITABU KITAKATIFU

⁸ Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 2:8 Iomraidhean Croise

1 Avami 18:22

Maku Elija yavoola, “Inzi niyie muporofeti wa Yahova weng'ine watigala mwoyo. Navuzwa muveeye na vaporofeti 450 va Baali.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

Ayubu 35:10

Navuzwa sivagirung'ana koyeeka ku Nyasaye mulombi wavo mba; uvaheezaa lisuuvirizwa mu zing'inga ziavo zie kisundi kenene ligali.

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 30:5

Avandu vi Ivuyuda valaduuka mu zisoni zinene kigira vaasuuvira mu ihiiri yavula kuhaana ovokonyi kuvo lwaveenya kukingwa.”

Jeremia 10:21

Ndaativura, “Aviimiliri viitu vaveeye avasiru; sivateeva Yahova aviimiliri mba. Yiki nicho kigira vavura kugasizwa, kandi avandu viitu vamali kusalanywa.

Jeremia 12:10

Avami vanyingi vageni vamali kwononyia mulimi gwi kizabibu change; vamali kuduvaganyia imilimi giange; vagirung'anyia kivala change chandayaanza kugwa changalangwi.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 7:8

“Henza, munyi musuuviraa mu amakuva gu vugadi.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Habakuk 2:18

Kifananyi keveeye navokonyi ki? Yiki ni kindu chalombwa nu mundu kandi sikikovoolera kindu mba, nitali kivoola vovehi. Kifananyi yiki kevoolera ki mulombi wa cho aduuki kukisuuvira? Aveeye munyasaye utamolomaa!

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Luka 11:52

“O, vayaye kilaamo keveeye ku munyi avigizi vi Lilaga! Kigira muvuguyi nukuvisa ulufungu lwu muliango gwi inyumba yo vogeri vwi limanya. Navuzwa munyi aveene simwingiraa mu mba, kandi mwigalira avaari nivingira vavuli kwingira.”

Yohana 16:3

Valamukolera yaga kigira vakikiri kumanya.

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

Kwidzulitsa 33:10

“Valigiza avandu vovo kuhulira Lilaga liilio; valahaana visiuviliru ku vwali vuvwo.

1 Samweli 12:21

Mutalondi avanyasaye vuvugadi mba; sivanyala kumukonya anoho kumuhonyia mba; kigira sivaveeye aviligali mba.

1 Samweli 2:12

Avayaayi va Eli vaali avadamanu ligali; sivahaana ku Yahova luyali mba,