Jeremia 2:36 - KITABU KITAKATIFU

³⁶ Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 2:36 Iomraidhean Croise

2 Kyetsinyinga 28:16

Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 2:33

Munyi mumanyiriza ligali vulahi kuli munyala konyoora avayaanze! Kali vakali vadamanu vanyara kwiga zinzira zienyu ziu vuchamu.

Jeremia 22:20

Avandu va Jerusalemi, muzie ku kiguru cha Lebanoni na muhanzuki; muzie mukivala cha Bashani na muliri. Mwaniri kutura ku vigulu via Moabu, kigira avakonyi vinyu vosi vamali kuguutwa.

Jeremia 22:22

Imbuza ilahuuza avayi vinyu, avalina vinyu valahirwa kuli avahambe vi liihi, na lidaala lienyu linene lilava mu zisoni kigira uvwoni vwosi vwa mumali kokora.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Jeremia 37:7

mbolere Zedekia ndi, “Liihi liu mwami wa Egebeti liveeye nuvuha kokokonya, navuzwa lilirana yengo.

Jeremia 46:12

Zihiiri zimali kuhulira zisoni zienyu; vuli umundu umali kuhulira nimulira. Musikari mulala yichigatira ku wundi ma vosi vaagwa.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 29:7

Lwa veesedema ku munyi, mwaavunika, nivatozatoza mumaha gaavo, kandi numuvakola nivavunika migongo jiavo.

Hosea 10:6

Kifananyi yiki kilagingwa nu kuhilwa mukivala cha Asiria keve kuli mutungu gwu vusuuru ku mwami munene. Avandu va Isiraeli valava mu zisoni kigira vasigamira kifananyi yiki.

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!