Jeremia 2:28 - KITABU KITAKATIFU

²⁸ “Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Jeremia 2:28 Iomraidhean Croise

2 Avami 3:13

Elisha yavolera mwami wa Isiraeli, “Kigira ki ngokonye? Zia uteeve avaporofeti yavo ava baba na mama woovo vateeva.” Navuzwa Joramu mwami wa Isiraeli yativura, “Awa! Yahova niyie uviiki kunyi avami vavaga hasi hi zinguru ziu mwami wa Moabu.”

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 46:2

Vamali kugumirwa kandi kugingwa nukuhirwa ihale, sivanyala kwehonyia aveene mba. Yiki nekeheri cha avanyasaye va Babiloni!

Isaya 46:7

Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Isaya 57:13

Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 37:19

Kindiki chekoleka ku avaporofeti vovo avakovoolera ndi mwami wa Babiloni si alakwingilira anoho kwingilira kivala?

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Habakuk 2:18

Kifananyi keveeye navokonyi ki? Yiki ni kindu chalombwa nu mundu kandi sikikovoolera kindu mba, nitali kivoola vovehi. Kifananyi yiki kevoolera ki mulombi wa cho aduuki kukisuuvira? Aveeye munyasaye utamolomaa!

Habakuk 2:19

O, vayaayi, munyi mwalaamwa kigira, muvooleraa kifananyi kitamolomaa chalombwa ku lubaho ni ligina: “Vuka! Anoho singira!” Kifananyi kinyala kukuvulira kindu? Kinyala kuva chakunikwa ni ifeza, kandi zahabu, navuzwa sikeveeye ni livamwoyo mba.

Kwidzulitsa 32:37

Maku Yahova alakateeve avandu veve, ‘Vaveeye haliha avanyasaye vizingulu yavo va mwasuuvira?’

Vakalagi 10:14

Tuli muzie kwanira vanyasaye vamwatovola. Muleke vanyasaye vene yavo vamukonye lwa muduuka mu vudinyu.”