Jeremia 2:27 - KITABU KITAKATIFU

²⁷ Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 2:27 Iomraidhean Croise

2 Kyetsinyinga 29:6

Avaguuga viitu sivali avasuuvirifu imbiri wa Yahova Nyasaye wiitu, makandi vaakora agataali amalungi imbiri wa Yahova. Vaatura ku Yahova ma ni vazia kuzinzira ziavo aveene.

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 18:17

Inzi ndasalanyia avandu vange imbiri wavasigu vaavo, kuli uluguchi luhuuziywi nimbuuza yikivihiri kutura ivugwi. Inzi ndagirung'ana kutura kuvo; Inzi sindavakonya lwikivi kiduukaa mba.”

Jeremia 2:24

Muveeye kuli isukiri yu muvulimu inyagura mwigendanyama, lwa eveeye mulienya kutumwa eheranaa mwika kuli imbuza! Nivwaha unyala kugigaya kutura ku lienya liu muviri gwayo? Isaza yoosi eveeye ni lienya nayo, si ilanyangana mba. Isukiri yiyi ilanyooleka ing'inga yoosi ya yenya kutuma.

Jeremia 22:23

Mumenyaa mu mirembe mu zinyumba ziumbakwa ni midaragwa kutura Lebanoni; navuzwa mulaverera lwa munyoora vuzunu kuli vwu mukali ulumwaa.

Jeremia 3:9

kandi siyalolaku zisoni mba. Yononyia kivala navula kuva musuuvirifu, nasigamira amagina ni misaala.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Ezekieli 23:35

Kalunu yaga nigo ga Yahova Wuvunyali avoora, “Kigira ivi umali kunzivilira kandi kungirung'ana, ulanyora mageri kigira uvudamanu vuvwo kandi uvulaya vwuvwo.”

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!