Jeremia 2:25 - KITABU KITAKATIFU

²⁵ Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Jeremia 2:25 Iomraidhean Croise

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

2 Kyetsinyinga 28:23

Yahaana visiuviliru ku vanyasaye va Vandu va Asiria, avaari nivamuguuti. Yavoola, “Avanyasaye va Vasiria vakonya avami va Siria, kunangwa niimbana visiuviliru kuvo, hawundi vanyara kongonya.” Yivwo nivwo uvwoni vwagira Ahazi naagwa mu kivi, harara ni kivala chiche chi Ivuyuda.

Isaya 2:6

O, Nyasaye, ivi umali koleka vandu vovo, ivisukulurwi via Yakobo! Kivala chizuuyi uvusigitiri kutura Ivugwi kandi kutura mu kivala cha Avafilisitia. Avandu valonda imiima javageni.

Isaya 57:10

Munyi mwiluhizaa aveene kigira zing'endo zindambi zia mugendagendaa nimwenya avanyasaye vandi va musigamira, navuzwa simutulizaa ku mwoyo mba. Muganaganaa ndi vifananyi viukuvihiliriza vienyu vimuhezaa zinguru, na kigira yaga, simudedekeraa mba.

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 14:10

Yahova avoora yaga kigira avandu yava, “Vayaanza kwiluka kutura ku inzi, kandi sivanyala kwirinda aveene mba. Kulwayago, si vanyanziza mba. Ndiizuliza uvudamanu vwa vamali kokora na ndavaha amageri kigira uvwoni vwavo.”

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 22:20

Avandu va Jerusalemi, muzie ku kiguru cha Lebanoni na muhanzuki; muzie mukivala cha Bashani na muliri. Mwaniri kutura ku vigulu via Moabu, kigira avakonyi vinyu vosi vamali kuguutwa.

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Malaki 3:14

Munyi mumali kovora, ‘Ni vuzwa kutumikira Nyasaye. Ni vokonyi ki kokora ga Nyasaye Wuvunyali avoora anoho kugeliza kumumanyia ndi koveeye novovereri ku ga kumali kokora?

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

Luka 16:24

Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’

Varumi 8:24

Kwahonywa kigira ilisuuvirizwa navuzwa nikolola cha kusuuvira mucho, siliveeye ilisuuvirizwa liali ligali mba. Nivwaha oheenzereraa ikindu cha oyo alolaa?

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Kwidzulitsa 32:16

Lisigamira vanyasaye vandi liakendekiza Yahova, vudamanu vwavo vwakola Nyasaye kuva nu vutima.