Jeremia 2:20 - KITABU KITAKATIFU

²⁰ Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 2:20 Iomraidhean Croise

1 Avami 12:32

Jeroboamu kandi yatangiza lisavo ku lidiku lia 15 liu mweli gwa munane, kuli lisavo liali Ivuyuda. Vahaana visiuviliru ku vanyasaye vi vimoli vigiriki via yaali naalombi, kutura ku ifeza mu Bezeli, kandi yavika yo avasaalisi vatumika havundu hukusigamira misambwa ha yaali niyumbaki.

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

Zaburi 107:14

Yahova yavatuliza mu kisundi kenene kandi mu chiriri chi likuza, kandi nakalanyia minyororo javavohaa.

Zaburi 2:3

Vavoola, “Gendi kwevoholole kutura mu liamiifa liavo; gendi kusiuvi ihale minyororo jaavo!”

Zaburi 78:58

Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Kutwula 19:8

Maku avandu vosi vativura harara nivavoora, “Kunyi kulakola vindu viosi via Yahova amali kovora,” kunangwa Musa yirana ku kiguru navolera Yahova amakuva goosi aga avandu vaali nivavooye.

Kutwula 24:3

Musa yazia navolera avandu amalago goosi ga Yahova kandi amakuva goosi, na avandu vosi vativura harara nivavoora, “Kunyi kulakola vindu viosi via Yahova avooye.”

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 10:27

Lwa ing'inga yeyo iduuka, ndamuvoholora kutura ku zinguru zia vandu va Siria, na iniira yaavo silava nuvuliduhu ku mavega ginyu mba.”

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 17:2

Avandu vinyu vasigamira vifananyi via vamali kolomba kigira umunyasaye wikikali Ashera: Kuvwaali, isi wa vuli musaala muvisi, kuzindongozi ziu kutugulu

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 30:8

Yahova Wuvunyali avoora: “Lwa lidiku yilio liliduuka, inzi ndakavunanye iniira eveeye kumagoti gaavo, kandi ndakatulizi minyororo jayo, sivaliva avatugwa vavageni kandi mba.

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 16:31

Mwumbaka havundu hukusigamira ivifananyi ku vuli inzira kandi mwakora uvulaya. Navuzwa si mwaali nilienya mabese kuli liraya lia kase mba.

Ezekieli 16:41

Navasambe zinyumba zienyu kandi navaleke muganda gwa vakali kolola amageri gamuhezaa. Ndaaza mukore kolekera kuva amalaya kandi na mukore namuleke kuhaana vihaanwa kuvayaanze vinyu.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 23:5

Kali niiva Ohola yaali mukali wange, yaazizagilira kokora uvulaya. Yakola uvulaya na vayanze veve kutura Asiria.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Hosea 3:3

Maku ndaavoora, “Kalunu oveeye wange! Ivi ulava musuvirifu ku inzi, kali niiva ilavugula ing'inga indambi nikukikiri kuva harara na ivi.”

Hosea 4:13

Vahanaa visiuviliru havundu hatakatifu kuzindongozi zievigulu, kandi vasamba vimuli vifunya mwayu ku tugulu isi wimisaala jigumara kandi mitambi, kigira ichiriri keveeye kilahi! “Kunangwa avakaana vinyu vatumika kuli malaya, kandi avanavizara vinyu vakolanga voheyi.

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Nahum 1:13

Kalunu ndaheriza zinguru zia vandu va Siria ku munyi, kandi ndatuliza ku munyi vuliduhu vwavo.”

Kwidzulitsa 12:2

Gamudukira ligali havundu hoosi ha avandu vi zihiiri zindi vaasigamira avanyasaye vaavo ku vigulu vitambi, nokutugulu kandi isi wi misaala mivisi.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 26:17

Kalunu mumali kuvugilira Yahova kuli Nyasaye winyu. Mumali kusuuviriza kumuhulira, kulinda malago geege goosi, kandi kokora goosi aga mulaga.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 5:27

Musa, yirana uzie yo kandi uhuliri goosi ga Yahova Nyasaye wiitu avoora. Maku wirane yinu okovolere goosi aga Yahova Nyasaye wiitu akovoleraa. Kulahulira nukugalinda.’

Joshua 1:16

Vaativulira Joshua, “Kulakola kindu choosi cha umali kokovoolera kandi kulazia havundu hoosi aha ukutuma.

Joshua 24:24

Kunangwa avandu zana vavoolera Joshua. “Kunyi kulasigamira Nyasaye wiitu, yeng'ine vuzwa. Kulahulira malago geege goosi.”

Joshua 24:26

Joshua yang'oda malago yaga mu kitabu chi Lilaga lia Nyasaye. Maku yavugula ligina linene nukuliviika isi wu musaala munene mutakatifu ugwali ahimbi ni lisandugu lie lilagana.

Likunula 17:1

Mulala ku zingelosi saba avaari ni zibakuli saba yaza, ku inzi navoora, “Hamba yinu, ngumanyie likalagirwa liu mukali wa malaya munene, lidaala iliumbakwa ahimbi ni imigera minyingi.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 2:11

Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 2:13

Valeka kusigamira Yahova, nivatanga litumikira vanyasaye Vabali na Ashitarozi.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’