Jeremia 2:2 - KITABU KITAKATIFU

² “Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 2:2 Iomraidhean Croise

Zaburi 129:1

Sa mulala ku vandu vi ihiiri ya Isiraeli avoole: “Avasigu vange vangubiza kivi ligali kutura mu vwana vwange!

Kutwula 14:31

Lwa vandu va Isiraeli valora zinguru zinene zia Yahova yaguutira vandu va Egebeti, vaatia ligali, kandi vaali nilisuvira mu Yahova kandi mu mutumikiri weve Musa.

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Tsing'ano 1:20

Huliriza! Ovogeri vulangiliraa mu zinzira kandi havundu hoosi mu viitu.

Lwimbu lwa Solomoni 3:11

Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 11:6

Maku Yahova yambolera, “Uzie mu madaala manene goosi gi Ivuyuda kandi kuzinzira ziosi zia Jerusalemi. Wilwaziri avandu amakuva gange uvavoolere vahuliri amakuva gi lilagana yili kandi vagatie.

Jeremia 19:2

kandi mbitiri mukirivwa chi viju viadika kuzia mulivona lia Hinomu. Iwene yeyo ndalandiza makuva gayamboolera.

Jeremia 2:1

Yahova yambolera,

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Jeremia 3:4

“Nakalunu mumbolera, ‘Inzi mbeeye baba winyu, kandi mwayinyanza kutura ing'inga yandaali mwana.

Jeremia 7:2

“Zia usingili mu vwingiliru vwi kirivwa chi Litembeli ma ulandizi likuva yili: Muhuliri Likuva lia Yahova, munyi vosi avandu vi Ivuyuda avingiraa mu virivwa yivi nu kusigamira Yahova.

Ezekieli 16:22

Mu ing'inga yilimenya lienyu lielivihiliriza kuli avandu vataveeye avasuuvirifu, si mwizulizaa ku kali hakuzu madiku govosoleli mba; kali lwa mwaali chahonyo nimwivaki masahi ginyu.”

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Ezekieli 23:19

Yaazizagilira kokora uvulaya ligali kuvita ing'inga yindi yoosi. Yizuliza kokora kuli yakola nakikiri mukaana musoleri, lwa yakola uvulaya lwa yaali mu kivala cha Egebeti.

Ezekieli 23:3

Lwa vaali nivakikiri avasoleri, nivamenyi mu kivala cha Egebeti, vonogonyia uvugima vwavo kandi nivagwa malaya.

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Hosea 2:17

Inzi ndakamukole avuli ku lieta lia Baali kandi mba.

Hosea 2:7

Alanyagula nokolondelera avasaza veve, navuzwa si alavanyoola mba. Alavenyeleriza navuzwa sialavalora mba. Maku alavoora, “Inzi ndirana ku musaza wange wukutanga, kigira ndaali vulahi naye kuvita kalunu.”

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Hosea 9:10

Yahova avoora, “Lwa ndaanyoora vandu va Isiraeli mulitanga, vaali kuli Mazabibu gamaa mwigendanyama. Lwa ndaalora avaguuga vinyu, galoleka kuli ndoli likuyu liukutanga liengu ku ing'inga yalio. Navuzwa lwa vaza ku kiguru cha Peori, vataanga kusigamira Baali, kandi nonoho vaaloreka kuva avukuvihiririza kuli avanyasaye vavayaanza.

Jona 1:2

Yamuvolera, “Zia Nineve, lidaala linene yilio kandi wilwaze kulio, kigira mali kolola uvudamanu vwa avandu valio.”

Matayo 11:15

Kulwayago, oveeye na matu gukuhulira, ahuliri!

Luka 12:13

Mundu mulala mu kiduma yavolera Yeso, “Mwigizi, volera amwavo wange angavuliri ku miandu ja baba wiitu yakolekera.”

Kwidzulitsa 2:7

“Mwizurizi kuli Yahova Nyasaye winyu amali kumugaasiza mu vindu viosi viamumali kokora. Yamulinda ku mihiga arubaini lwa mwagendagenda kuvitira mu changalangwe kenene yiki, na simwadaka kindu mba.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

Likunula 2:4

“Navuzwa yaga nigo gandolaa madamanu ku ivi: Siunyaanza kalunu kuli wanyanzaa mu litanga mba.