Jeremia 2:19 - KITABU KITAKATIFU

¹⁹ Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:19 Iomraidhean Croise

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

2 Kyetsinyinga 12:5

Muporofeti Shemaya yazia ku mwami Rehoboamu kandi na viimiliri vi Ivuyuda avaari nivavungi mu Jerusalemi ukwiruka kutura ku Shishaka. Yavavolera, “Yili nilio likuva lia Yahova ku munyi: ‘Munyi mumali kondeka, kunangwa kalunu inzi mali kumuleka mu makono gi zinguru zia Shishaka.’ ”

2 Kyetsinyinga 21:10

Kutura lwene yilwo, kivala cha Edomu chi yamiha ichene. Mu ing'inga yene yeyo, lidaala linene lia Libuna liebaala, kigira Jehoramu yaali naleki Yahova, Nyasaye wa vaguuga veve.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

Zaburi 36:1

Avoni vaganagana uvudamanu musi mwi mioyo jaavo kazozo; vumulombaa avuli kuva ni liegehiza imbiri wa Nyasaye.

Kutwula 33:6

Kunangwa inyima wu kutura ku kiguru cha Sinai avandu va Isiraeli siviviika viukwisiaha viuvuguli mba.

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Tsing'ano 1:32

Avandu vasiru vakuza kigira vasuura ovogeri, na vayingu vadivaa kigira liesuuviriza liavo.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 4:18

Vayuda munyi mumali kweletera yaga kolondekana nilimenya liamumali komenya kandi nivindu viamumali kokora. Uvwoni vwinyu vumali kumuletera uvusaaliri yivu; Gamali kusaliliza mioyo jinyu ligali.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Jeremia 5:24

Simwaganagana kuhaana luyali ku inzi mba, kali niiva ndaamuha imbura mu zing'inga ziokosembera, kandi mu zing'inga ziechuvwi kandi nimunyoola amasiza gi ligesa vuli muhiga.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 7:19

Navuzwa inzi niyee wavasinyikizaa? Awa, visinyikizaa aveene kandi vivikaa aveene muzisoni.

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Ezekieli 23:30

vumali koleta yaga goosi ku ivi. Wakola uvulaya ni zihiiri kandi niweyonogonyia ni vifananyi viavo.

Ezekieli 39:24

Ndaavakolera kolondekana nu vudamanu vwavo kandi vuchamu vwavo, kandi ndaagirung'ana kutura kuvo.”

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 13:9

“Inzi ndadiviza munyi avandu va Isiraeli! Nivwaha unyala kumukonya?

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Hosea 5:5

Liegingira lia avandu va Isiraeli lilolekaa muvo. Uvwoni vwavo vuvakolaa vikigitara kandi kugwa, kali avandu vi Ivuyuda vikigitara ma vaagwa harara navo.

Hosea 7:2

Navuzwa sivamanya ndi inzi ndizuliza zimbi ziavo ziosi mba. Uvwoni vwavo vuvakumbiliza; sinyala kuvula kovolola mba.”

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Mika 1:5

Yaga goosi galakoleka kigira avandu va Isiraeli vamala kokora uvwoni nu kwibaala imbiri wa Nyasaye. Ivwaha unyala kudulwa kigira libaala lia avandu va Isiraeli? Ni Samaria, lidaala linene liene! Ivwaha ololekiywi kuva wi vifananyi viu vunyasaye mu Ivuyuda? Ni Jerusalemi lidaala linene liene!

Zekaria 7:11

“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira

Varumi 3:18

anoho siaveeye ni liitia Nyasaye mba.”

Vakalagi 10:13

Navuzwa munyi mwanzivilira, kandi nimwilana kusigamira vanyasaye vandi, na kalunu Inzi sindamukonya kandi mba.