Jeremia 2:18 - KITABU KITAKATIFU

¹⁸ Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:18 Iomraidhean Croise

2 Kyetsinyinga 28:16

Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

Isaya 23:3

Kuzia kukiranyia uvuswage vwameraa mu kivala cha Egebeti, kandi kukiranyia ni zihiiri zindi ziosi.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 7:20

“Lwa ing'inga yeyo iduuka, Yahova alatungaa muvegi wa masu kutura engereka wumugera gwa Efurate—naye ni umwami wa Asiria!—kandi alavega zinderu zienyu, liisu liu ku mitwi jinyu kandi liu ku miviri jinyu.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”

Ezekieli 23:30

vumali koleta yaga goosi ku ivi. Wakola uvulaya ni zihiiri kandi niweyonogonyia ni vifananyi viavo.

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!

Joshua 13:3

kandi kivala choosi cha vandu va Vimu kolovega lwi savaalu. Kivala kutura kumugera gwa Shihori, ivugwi wu lwako lwa Egebeti kuduuka ivaale wu lwako lwa Ekironi, chaali kivala cha Kanaani. Avami va vandu va Filisitia vamenya Gaza, Ashidodi, Ashikeloni, Gazi, na Ekironi.