Jeremia 2:13 - KITABU KITAKATIFU

¹³ kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:13 Iomraidhean Croise

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

Zaburi 36:9

Ivi uhaanaa livamwoyo litahera mba, oveeye uvutangiliru vwi livamwoyo liosi. Kigira uvulavu, vuvwo kololaa uvulavu.

Kohelethu 1:14

Mali kolola vuli kindu choosi chekoleka mu kivala yiki, na ngovolera ndi, viosi viveeye vuzwa. Gaveeye vuzwa kuli kudidikana nokolonda imbuza.

Kohelethu 1:2

Mwilwazi yavoola ndi, voveeye vuzwa, vuzwa! Livamwoyo liveeye vuzwa, vindu viosi viveeye vuzwa.

Kohelethu 12:8

Mwilwazi yavoola, “Yaga gaveeye vuzwa, viosi viveeye vuzwa.”

Kohelethu 2:11

Maku ndaganagana ku viosi via ndaali nengoli kuli ndaali ninyinziyi vudinyu, na ndayoola ndi viosi viali vuzwa. Gaali vuzwa kuli kudidikana nokolonda imbuza, na si ndaali ni kindu cha ndanyoora mu kivala mba.

Kohelethu 2:21

Mundu ayinziraa vudinyu novogeri vwivwe vwosi, kandi limanya lilie liosi, navuzwa inyima alekera mundu wundi vindu viosi, mundu uvuli kuyinziraku kali hakuzu. Yaga goosi gaveeye vuzwa, kandi vudamanu ligali!

Kohelethu 2:26

Nyasaye ahaanaa ovogeri, limanya kandi uvusangari ku yavo avamuyaanzizaa, navuzwa akolaa avoni kuyinzira vudinyu nokonyoora kandi kuviika mu kedeera, kunangwa vindu via vanyooye viduuki kuhaanwa ku yavo avayaanzizaa Nyasaye. Yaga goosi gaveeye vuzwa. Gaveeye vuzwa kuli kudidikana nokolonda imbuza.

Kohelethu 4:4

Maku ndaalora ndi, vuyinziri vwosi vudinyu kandi limanya lie miyinzi litulana niliegomba lie minyinzi ju mutende. Yaga goosi kandi gaveeye vuzwa kandi gaveeye vuzwa kuli kudidikana no kolonda imbuza.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 12:3

Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 14:3

Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 18:14

Zinyanda zindambi zia Lebanoni ziveezaku vugira likonza? Migera mikiindu ji kiguru jacho jikama ku?

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:26

Yahova avoora, “Kuli umwivi aviikwa mu zisoni lwa agumiriywi, kandi ndio munyi avandu va Isiraeli vosi mulavikwa mu zisoni harara na avami vinyu kandi na avanene vinyu, avasaalisi na avaporofeti.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Ezekieli 47:1

Umundu oyo yambira inyima mu vwingiliru vwi Litembeli. Mazi gaali nigaturaa hasi mu vwingiliru kandi nigazizaa Ivugwi, kolovega lwi Litembeli liahenza. Giturukaa hasi kutura isi we kedonye chi Isavaalu kolovega lwu vwali.

Mika 2:8

Yahova ativulaa, “Munyi mwingiliraa vandu vange kuli avasigu. Avasaza viranaa kutura mu vulwani, nivaganaganaa vaveeye mu mirembe yengo, navuzwa uwene yeyo, mulindiliraa kuvanyaga amakooti gaavo.

Mika 6:3

Yahova avoora, “O, avandu vange, mukoleeye ki? Inzi mbeeye ndi uvuliduhu ku munyi? Mundivulire.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:11

Mukali oyo yamuvolera, “Mwami, ivi si oveeye ni chukudahira amazi, kandi kidaho keveeye musi ligali, nonyoole hayi amazi livamwoyo yago?

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

2 Petro 2:17

Avandu yava vaveeye kuli vidaho vitaveeye na mazi, kuli amalesi gi kihuzuzi kihiraa; Nyasaye yavavikira ovomenyo mu vogo vwi kisundi kenene.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Vakalagi 10:13

Navuzwa munyi mwanzivilira, kandi nimwilana kusigamira vanyasaye vandi, na kalunu Inzi sindamukonya kandi mba.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’