Jeremia 19:8 - KITABU KITAKATIFU

⁸ Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 19:8 Iomraidhean Croise

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 50:13

Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Ezekieli 27:36

Avakiranyi hagati hi zihiiri vamusekerizaa. Munyi mumali kuduuka ku keheri chi litihiza, kandi si mulavaho mihiga ni mihiga mba.”

Kyavalevi 26:32

Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.