Jeremia 19:5 - KITABU KITAKATIFU

⁵ kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 19:5 Iomraidhean Croise

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Ezekieli 16:36

Yaga nigo ga Yahova Wuvunyali avoora: “Munyi mwatuliza zinguvu zienyu kandi kuli liraya mwihaana munyi aveene kuvayaanze vinyu kandi ku vifananyi vinyu viosi viukuvihiliriza. Kandi mwitaa avana vinyu kuli visiuviliru ku vifananyi.

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 38:10

Yaga nigo ga Yahova Wuvunyali avooreraa Goga: “Lwi ing'inga yeyo iliduuka, ulakatange kuganagana kolohiza vudamanu.

Danyeli 2:29

“O, Mwami wiitu, lwa waali nogonaa, walota kigira madiku gaaza: Nyasaye uvula viokogenyia vie mbisu, umali kukumanyia kizizaa kwekoleka.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Livalidza 22:41

Lidiku lialondaku, Balaki yavugula Baalamu naamuhira Bamozi Baali. Ahene yaho, Baalamu yalora valala ku vandu va Isiraeli.

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.