Jeremia 19:13 - KITABU KITAKATIFU

¹³ Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 19:13 Iomraidhean Croise

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Avami 23:12

Mwami Josia yasambula uvwali vwosi vwa vami vi Ivuyuda vaali ni vumbaka ku kesegese chinyumba yu vwami ahimbi no vomenyo vwu mwami Ahazi, kandi yasambula uvwali vwa Manase yaali Ni yumbaka mu migizi givili ji Litembeli lia Yahova. Yasambula uvwali nukuvwatanyia mu vijonjo kandi navisiuva mu livona lia Keduroni.

2 Avami 23:14

Mwami Josia yatanyia zitiru zia magina, mu vidonye, natemanyia vifananyi viu munyasaye wi kikali Ashera, kandi nafuma havundu ha vasingira ni vigumba via vandu vakuza.

Zaburi 74:7

Vasamba Litembeli liilio litakatifu nu muliru; vononyia Hatakatifu hoho ha usigamirwa.

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Isaya 22:1

Yili ni Likuva lia Yahova kigira Livona lia Malola. Ni kindiki chekoleka? Kigira ki avandu vosi vi lidaala linene lia Jerusalemi valomba lilia nu kusangalira igulu kwi visegese vie zinyumba ziavo?

Jeremia 19:12

Ndaalaga kokora lidaala yili na vandu vamenyi mulio kuli Tofezi.

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 44:18

Navuzwa kutura ing'inga ya kwalekera kuhaana visiuviliru ku nyasaye wikikali wu mwigulu, kandi lwa kwalekera kuhaana vihaanwa vie Iwaini kuye, sikwanyoola kindu kali hakuzu mba, kandi avandu viitu vakuzira mu liihi kandi mu inzara.”

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Vikolwa 10:9

Mugamba, lwa avandu vavaga yavo vaali ni vakikiri mu logendo lwavo, navuzwa ni vaveeye ahimbi kuduuka Jopa, Petero yanina kunyumba igulu, ahimbi zisa sita zia mbasu aduuki ku saala.

Vikolwa 7:42

Kunangwa Nyasaye yagirung'ana kutura hagati haavo, na avaleka vasigamiri zing'ereng'ani ziu mwigulu, kuli gang'odwa mu kitabu cha vaporofeti: ‘Munyi avandu va Isiraeli! Siaveeye inzi wa mwitira zinyama no kondetera visiuviliru mihiga arubaini mwigendanyama!

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.