Jeremia 18:8 - KITABU KITAKATIFU

⁸ navuzwa ihiiri yeyo igirung'ane kutura kuvudamanu vwayo, inzi sindakola agandavoola ndakakole mba.

Jeremia 18:8 Iomraidhean Croise

2 Kyetsinyinga 12:6

Mwami harara na viimiliri va Isiraeli vavugilira ndi, vamala kwona, ma nivavoora, “Icha Yahova akolaa keveeye kilungi.”

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 135:14

Yahova alakinga avandu veve; alavererera avatumikiri veve.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Kutwula 32:12

Kigira ki avandu va Egebeti vavoole ndi ivi wimilira avandu vovo kutura mu kivala chavo kuvitira mu vigulu noveeye nililohiza liukuvadiviza ligali? Lekera kuva nu vutima; girung'anyia zing'anagani zizio, na utaleta ikivi yiki ku vandu vovo mba.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 26:13

Gamuduukira mugirung'anyie liamumenya liinyu kandi nivindu viamukoraa, kandi kuduuka mutie Yahova Nyasaye winyu. Niiva mwahulira, alagirung'anyia zing'anagani zizie ziukumudiviza kuli yavoola alakola.

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 26:3

Namusia avandu valahulira mavaleke zinzira ziavo ziuvudamanu. Niiva valahulira, Inzi ndagirung'anyia zing'anagani ziange ziukudiviza ziandoohiza kuvakolera kigira vikolwa viavo vwuvuchamu.”

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 42:10

‘Niiva mulazizagilira komenya mukivala yiki, hene yaho, ndamunenehiza kandi si ndamugehiza mba; ndamuhonyia kandi si ndamudiviza mba. Lidiviza lia ndaaleeta kumunyi limali kongola kuva novovereri vonene ligali.

Ezekieli 18:21

“Niiva mundu mudamanu alaleka kokora uvwoni kandi agumili amalago gange, kandi niiva alakola agaveeye amalahi kandi amalungi, sialakuza mba; mundu uyu alamenya ligali.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 33:12

“Kalunu, Mwana wu Mundu, ovoolere avandu va Isiraeli ndi lwu mundu mulala akolaa uvwoni, uvulahi vwamali kokora si vulamuhonyia mba. Niiva umundu mudamanu alaleka kola vudamanu, si alahevwa mageri mba. Kandi niiva umundu mulahi natanga kokora uvwoni, sialava mwoyo mba.

Ezekieli 33:13

Niiva ndavolera umundu mulahi ndi alava mwoyo, navuzwa atange kuganagana ndi uvulahi vwivwe vwa maziambiri voveeye vuduukiru ma atange kokora uvwoni, si ndizuliza uvulahi vwayakola mba. Alakuza kigira uvwoni vwivwe.

Ezekieli 33:14

Niiva ndiganihiza umundu mudamanu ndi azizaa kukuza, ma alekele kokora uvwoni kandi akole malungi kandi malahi,

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.