4 Kunangwa ikiju chalongaa kutura kovodohi chonekeraa mumakono geege, akigirung'anyaa nokolomba kiju kindi, ichalolaa ndi keveeye kilahi akelombe.
Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”
Kunangwa ndaaziayo nenyoola mulongi nayinzira ku isiongo yeye.
Kunangwa Yahova yambolera,
“Mbeeye nuvunyari kokora kumunyi avandu va Isiraeli agumulongi yakola nilidohi? Munyi muveeye mumakono gange kuli lidohi liveeye mumakono gumulongi.