Jeremia 18:23 - KITABU KITAKATIFU

²³ Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Jeremia 18:23 Iomraidhean Croise

Zaburi 119:126

O, Yahova, ing'inga iduuki ivi kokora kindu, kigira avandu vavunagi amalago googo.

Zaburi 35:4

Leka yavo avagerizaa kunzita vaguutwi kandi valeganywe! Leka yavo avaang'anaganira uvudamanu mu vwivisu viranywe inyima nukudandana!

Zaburi 56:8

Ivi umanya kuli ngubizangwa ikivi ivi umali kong'oda livaliza lia maliga gange, goosi gang'odwa mu kitabu chicho?

Zaburi 59:5

O, Yahova Nyasaye Wanyala Viosi Ivi oveeye Nyasaye wa Isiraeli. Vuka na uhaane mageri ku zihiiri ziosi; utamanyia livererera ku avazami vachamu yavo.

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 2:9

Kunangwa avandu yava valagehizwa nu kuvikwa mu zisoni. Yahova, utavasamiiha mba!

Jeremia 11:23

Inzi mali kuviika ing'inga yo koleta ikivi ku avandu va Anazozi. Lwi ing'inga yene yeyo iduuka, mundu kali mulala sialakahone mba.”

Jeremia 15:15

Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Jeremia 17:18

Viika yavo avandambizaa muzisoni, navuzwa utambika inzi mu zisoni mba. Leeta litihiza linene kuvo, navuzwa utatiihiza inzi mba. Leeta ikivi kuvo kandi uvadivizi ligali.

Jeremia 17:4

Mulaleka kivala cha ndaamuha nu kukihaana ku avasigu vinyu. Ndamukora mu vatumikiri avasigu vinyu mukivala cha mutamanyi kindu kali hakuzu, kigira uvutima vwange voveeye kuli muliru, kandi guladuka nu kusamba mihiga ni mihiga.”

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 26:11

Kunangwa avasaalisi navaporofeti vavoolera aviimiliri navandu, “Umundu uyu adukanaa kukalagirwa likuza kigira omolomi vudamanu ku lidaala lietu. Mwamuhulira munyi aveene.”

Jeremia 26:8

kandi lwandaali nindakamara komoloma goosi aga Yahova yaali niyandagi kovora, vangumira nivahanzuka, “Gakuduukiraa witwi kulwayaga!

Jeremia 37:15

Vaali nu vutima vululu ku inzi, kandi nivalaga ngubwi ma nivaambanira munyumba ya Jonazani mung'odi wu mugizi, uwinyumba yeeye yagirung'anywa nokokorwa umuhambe.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 6:21

Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Lisyoma lya Jeremia 3:60

Ivi wamanya kuli vasigu vange vakuvihiriliza kandi kuli vandohizira amadamanu mu vwivisu kundiviza.

Lisyoma lya Jeremia 3:61

“O, Yahova, umali kuhulira nivanyegaa; ivi wamanya lilohiza liavo liu muvwivisu.

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.