Jeremia 18:20 - KITABU KITAKATIFU

²⁰ Uvudamanu voveeye nimitungu jiuvulahi? Navuzwa vamali kuyava liliina nduuki kugwa mu. Wizulizi kuli ndaaza komoloma ku ivi muvogono vwavo kunangwa uvuli kuvaha mageri mu vutima vuvwo.

Jeremia 18:20 Iomraidhean Croise

Ayubu 6:27

Munyi mukubaa ikura ku avavisandu nukuvakola vatugwa, kandi mwekora vatugi ku liguliza avalina vinyu avahimbi ligali.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 119:95

Avandu vadamanu valindilira kunzita; navuzwa inzi ndaganagana ligali ku malago googo.

Zaburi 35:12

Vandungaa uvudamanu ku uvulahi vwange vwambakoleraa; na inzi mwene mwoyo gwange guukuzi.

Zaburi 35:7

Vategera inzi mutego muvwivisu vugira kivuni, kandi vayavaa ovogo vaduuki kung'umira.

Zaburi 38:20

Yavo avatungaa inzi uvudamanu ku uvulahi vwa mbakoleraa, vahing'ana niinzi kigira ngerizaa kokora amalungi.

Zaburi 57:6

Inzi mbeeye mukivi, kigira avasigu vange vamali kotega mutego gwu kung'umira. Vayavi iliina munzira yange, navuzwa yavo aveene vamali kugwa mulio.

Zaburi 7:15

Navuzwa yavo aveene vamali kugumirwa mu mitego ja valombera avandi.

Tsing'ano 17:13

Nutungiza uvudamanu havogono hu vulahi vudamanu si vulatula munyumba yooyo mba.

Tsing'ano 26:27

Avandu vategera vandi mitego vagimilwa ni mitego jaavo. Mundu utangiza kogomogominya ligina, limwilaniraa ma limusionolanyia.

Kohelethu 10:8

Oyo ulimaa liliina, alakagwi mulio. Enzoka ilakalumi oyo uvitira mu lidigi.

Jeremia 11:14

Jeremia, utasaala ku inzi anoho kongonya muvogono vwa avandu yava mba. Lwa vaveeye mu vudinyu nu kwaniri ku inzi mbakonye, si ndahulira lianira liavo mba.”

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 17:18

Viika yavo avandambizaa muzisoni, navuzwa utambika inzi mu zisoni mba. Leeta litihiza linene kuvo, navuzwa utatiihiza inzi mba. Leeta ikivi kuvo kandi uvadivizi ligali.

Jeremia 18:19

Kunangwa ndasaara, “Yahova, uhuliriza agambooraa kandi huliriza aga vasigu vange vavola ku inze.

Jeremia 18:22

Tuma avandu vikivihiri valanye zinyumba ziavo vugira lieganihiza; uvakole vaaniri mulitiihizwa. Vamali kulima liliina nduuki kugwamu kandi vamali kotega mitego jingumili.

Jeremia 27:18

Niiva vaveeye avaporofeti va agiligali, kandi niiva vaveeye na amakuva gange, vateeve inzi Yahova Wuvunyali, mburi kuvugilira mavikiru gatigala mu Litembeli lia Jerusalemi kandi munyumba yu vwami yi Ivuyuda kandi vilanywe mu Babiloni.”

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Jeremia 7:16

Yahova yavoola, Jeremia, “Utasaalira avandu yava mba, utavalirira kinga kusaalira kuinzi mu vogono vwavo mba; utavagoonyera ku inzi mba, utagonya inzi kigira yavo mba, kigira si ndakuhulira mba.

Lisyoma lya Jeremia 3:59

O, Yahova, ivi umali kolola madamanu gavangolela; kalaga muliyaanzilira liange.

Yohana 10:32

Yeso yavavolera, “Mali kumumanyia miyinzi minyingi milahi kutura ku Baba. Ni guliha ku yijo gwa munyalagia mundase amagina?”

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

1 Samweli 19:4

Jonazani yizominya Daudi ku Saolo navoora, “Mwami, utakola kindu kidamanu ku mutumikiri woovo Daudi mba. Akikiri kukokolera ku uvudamanu ku vwosi. Kuvita goosi vindu viosi via yakola vialange viovokonyi vonene ku ivi.