Jeremia 18:17 - KITABU KITAKATIFU

¹⁷ Inzi ndasalanyia avandu vange imbiri wavasigu vaavo, kuli uluguchi luhuuziywi nimbuuza yikivihiri kutura ivugwi. Inzi ndagirung'ana kutura kuvo; Inzi sindavakonya lwikivi kiduukaa mba.”

Jeremia 18:17 Iomraidhean Croise

Ayubu 27:21

Imbuza enene yi kivi kutura ivugwi iramuhila ihale nukumutuliza ho. Iranweya kutura hango hehe.

Zaburi 48:7

wa vadiviza kuli zimeri zia Tarishishi, agahunzulanywa nukuvunanywa ni imbuza yi kiihi kutura ivugwi.

Tsing'ano 24:16

Vandu valungi vagwiza haali saba kandi vavuuka, navuzwa kivi kiladiviza vandu vuvuchamu.

Jeremia 13:24

Yahova alamusalanyia kuli mukuzi guhuuziywi ni mbuuza yumuchangalangwi.

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 46:21

Kali avasikari vaavo vagulwa vaveeye vuzwa kuli vimoli. Sivali vanyara kusingila nukulwana mba; vosi vagirung'ana ni viruka. Lidiku lie lidivizwa liavo liali niliduuki, ing'inga yaavo yukudivizwa.

Ezekieli 27:26

Avandu vinyu vi mivango ja maato vamuhira kuzia munyanza, Imbuza yu kudiviza kutura Ivugwi imali kumudivizira hagati hinyanza.

Ezekieli 7:22

Inzi si ndasora Litembeli liange litakatifu lwa avanuuli valingila mu nukuliononya mba.

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.