Jeremia 18:16 - KITABU KITAKATIFU

¹⁶ Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 18:16 Iomraidhean Croise

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

Zaburi 109:25

Lwa vandu vandora, vasekeriza; Lwa vambeenzaa vasekeriza; vasung'usa mitwi jaavo mu lingolera kehenyahenye.

Zaburi 22:7

Vosi avaandolaa vaangolera kehenyahenye; Vaangunukiraa nukuusungusira mitwi.

Zaburi 44:14

Ivi okokoli lichaywa hagati hi zihiiri; va kusungusiraa mitwi jaavo mu likosekeliza.

Isaya 37:22

Yahova umali kovora, “Lidaala linene lia Jerusalemi likosekeleraa, ivi Senakeribu, kandi likolegerizaa. Jerusalemi lidaala linene likusung'usilaa mutwi gwalio.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 44:12

Avandu vosi avatigara Ivuyuda kandi avamali kotovola kuzia komenya mu kivala cha Egebeti, vosi valadivizwa. Vosi avanene ku avakeekeke valitirwa mukivala cha Egebeti mu liihi anoho ninzara. Valava litihiza, kandi avandu valavakolera kehenyahenye kandi valatumikira amita gaavo kuli kilaamo.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 49:17

Yahova yavoola, “Lidivizwa liaza liduuki ku vandu va Edomu na live liukutihiza vuli mundu ulivitira ho alakegose kandi alakatiihizwi.

Jeremia 50:13

Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Jeremia 51:43

Tudaala twalio tumali kugwa litihiza, toveeye kuli changalangwi chumu, havundu hu mundu anyala kuvula komenya kandi kali kogenda mba.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 1:12

Vavoolera vuli mundu woosi uvitira ahimbi navo ndi, “Muhenze kunyi!” Siaveeye ho nu mundu uwanyola uvusaliri kuli uvwitu mba, uvusaliri vwa Yahova yaleeta ku kunyi mu ing'inga yu vutima vwivwe.

Ezekieli 12:19

Ovolere ihiiri yoosi ndi yili ni likuva lia Yahova Wuvunyali ku vandu va Jerusalemi avakemenyi mu kivala chavo: Valakadegere lwavalizaa kandi valakadegere nuvuti lwavanwezaa. Kivala chavo nakitigale hazwa, kigira vuli mundu omenyi mu aveeye vugira malago.

Ezekieli 27:36

Avakiranyi hagati hi zihiiri vamusekerizaa. Munyi mumali kuduuka ku keheri chi litihiza, kandi si mulavaho mihiga ni mihiga mba.”

Ezekieli 36:3

“Maku oporofete kandi ulandizi aga Inzi Yahova Wuvunyali mboraa. Lwi zihiiri zindi ziamwingilira kutura ku zimbega ziosi, kandi nivamunyaga miandu jinyu jiosi, vosi vaamunyega.

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Kyavalevi 26:32

Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Kyavalevi 26:43

Navuzwa avandu valaleka kivala zana, kandi kesoose nokusangalira masabato lwa chaali king'anye, vugira yavo. Ing'inga yeyo vahevwa mageri kigira vwoni uvwavo, kigira vasuura malago kandi vachaya miigizu gange.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Matayo 27:39

Avandu vavita ahene yaho vaamunyega, nivasung'usa imitwi jaavo.

Marko 15:29

Avandu vavita ahene yaho vaamunyega, vasung'usa imitwi jaavo nivavoora, “Ehe! Ivi waali niwenya usambuli Litembeli kandi uliumbaka ku madiku gavaga!

Kwidzulitsa 28:59

hene yaho, alatuma ku munyi kandi ku visukululwi vienyu amaduywa guvulwaaye vutahona kandi vulwaye vudamanu vuhambizana uvutanyala kwigalirwa.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.