Jeremia 18:15 - KITABU KITAKATIFU

¹⁵ Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 18:15 Iomraidhean Croise

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Isaya 3:12

Avayaayi vadambiza avandu vange, avakali vavamihaa. O, avandu vange aviimiliri vinyu vamuchaminya kutura kunzira inungi.

Isaya 41:29

Avanyasaye yava vosi sivaveeye kindu kali hakuzu, vaveeye avadedekere kandi sivaveeye nu vunyali mba, sivanyala kokora kindu kali kilala mba.”

Isaya 57:14

Yahova avoora, “Leki avandu vange viirane ku inzi. Mutulizi iviukwikigitariza viosi mu zinzira zia vandu vange! Mwumbake inzira nukujetegekiza!

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Isaya 9:16

Yavo avimiliraa avandu yava vamali kuvachaminya kandi kuvagoyanyia ligali muno.

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 18:14

Zinyanda zindambi zia Lebanoni ziveezaku vugira likonza? Migera mikiindu ji kiguru jacho jikama ku?

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Jeremia 44:25

Yahova Wuvunyali, Nyasaye wa avandu va Isiraeli avoora, “Munyi harara na avakali vinyu mumali kwisuha ku mwami wi kikali wu mwigulu. Mwalaga ndi mulahaana visiuviliru kuye kandi mulahaana vihaanwa vie iwaini kuye. Maku mudinyerize kandi muduukizi lilagana lienyu.

Jeremia 51:18

Vaveeye vuzwa kandi kuduuka valeganywe; lwa Yahova ahaanaa amageri kuvo, vosi valadivizwa ligali.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Hosea 2:6

Kunangwa, ndigalira inzira yeeye nu lugaga lwa mafa, kandi ndumbaka lidigi kunangwa avuli konyoora inzira yu kuvitiramu.

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Matayo 15:6

uyu atahaana uluyali ku baba weve anoho mama weve, navio mba. Na ndio mwononyia Lilaga lia Nyasaye ku lilonda amigizu ginyu aveene.

Varumi 14:21

Ni vulahi kuvula kulia inyama, anoho kunwa iwaini, anoho kokora kindu choosi kinyala kokora amwavo woovo akole vwoni.

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.