Jeremia 18:10 - KITABU KITAKATIFU

¹⁰ navuzwa ihiiri yene yeyo nivula kutia inzi nokokola uvuchamu, inzi sindakola agandavoola ndakora mba.

Jeremia 18:10 Iomraidhean Croise

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Ezekieli 18:24

“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Ezekieli 33:12

“Kalunu, Mwana wu Mundu, ovoolere avandu va Isiraeli ndi lwu mundu mulala akolaa uvwoni, uvulahi vwamali kokora si vulamuhonyia mba. Niiva umundu mudamanu alaleka kola vudamanu, si alahevwa mageri mba. Kandi niiva umundu mulahi natanga kokora uvwoni, sialava mwoyo mba.

Ezekieli 33:18

Niiva umundu mulungi alagirung'ana nokoleka vulungi na akole vudamanu, alakuza kigira likora vudamanu.

Ezekieli 45:20

Ku lidiku lia saba liu mweli; mulakola ndio kandi havogono ha vuli mundu woosi uwaakola uvwoni mu livula kumanya anoho mu lizukanila. Mulikola ndio, mulakola Litembeli liange kuva litakatifu.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Livalidza 14:22

siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Livalidza 14:23

Si valaduuka mu kivala cha ndisuuhira avaguuga vaavo mba. Siaveeye ho kali mulala ku vandu vamali kusuura yava uliduuka mu kivala yiki mba.

Livalidza 14:34

Mulanyola mageri ku mihiga 40 kigira uvwoni vwinyu. Muhiga mulala gulava kuvuli madiku 40 aga mwatunyiriza kivala. Nandio munyi mulamanya uvutima vwange ku munyi!

1 Samweli 13:13

Samweli yamuvolera, “Okoli kindu chu vusiru. Watia malago ga Yahova Nyasaye woovo akoheeye mba. Ulatia, yaali yakaleki ivi harara ni kisukururwi chicho ukwaamiiha ku Isiraeli mihiga ni mihiga.

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.

1 Samweli 15:35

Kumadiku goosi ga Samweli yaali mwoyo, siyaazia kolola mwami Saolo kandi mba; navuzwa yamusiomera ligali. Yahova yavelera kigira yakola Saolo kuva mwami wa Isiraeli.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.