Jeremia 17:8 - KITABU KITAKATIFU

⁸ Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Jeremia 17:8 Iomraidhean Croise

Ayubu 29:19

ndaali kuli umusaala gwimiri jagwo gonyoora amazi kazozo, kandi gwi zisia ziagwo zisamwa ni lime.

Ayubu 8:16

“Mundu uyu aveeye kuli kitagwa kisamiywi amazi mu muvasu, ma kihiraa miri jacho mu malova.

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Tsing'ano 11:28

Yavo avaviika zing'anagani ziavo mu vutugi vwavo valavunguluka kuli matu gi misaala mu ing'inga yiligesa, navuzwa valungi valazizagilira kuli matu gimisala mung'inga yumbasu.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 39:18

Inzi ligali ndakohonyia, kandi si uliitwa mba. Ivi ulahononoka kutura mu likuza, kigira umali kusuuvira inzi. Inzi Yahova, mali kovora.”

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Ezekieli 47:12

Misaala zing'ano ziosi najiviruki ku vuli luginga lwu mugera kuhaana chukulia. Matu gajo sinaganiare mba, kandi si nagalekele kwama makuyu mba. Naame namakuyu malahi vuli mweli, kigira jisamangwa na mazi gaturaa mu Litembeli. Misaala jilakahaane viukulia kandi matu gajo galakatumiki kohonyia avandu.”