Jeremia 17:7 - KITABU KITAKATIFU

⁷ “Navuzwa ndagasiza oyo usuviraa mu inzi kandi oyo wa inzi mbeeye lisuuvira lilie.

Jeremia 17:7 Iomraidhean Croise

Zaburi 125:1

Yavo avasuuviraa mu Yahova vaveeye kuli kiguru cha Ziyoni, kitanyala kusundwa, navuzwa kihindira mihiga ni mihiga.

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 34:8

Mwenyelerizi uvulahi vwa Yahova, kandi vaveeye nuvugasu avanyoora ovohonyi muye.

Zaburi 40:4

Vaveeye nuvugasu avandu vasuuviraa mu Yahova, avatagirung'anaa nu kusigamira misambwa, kandi siviyungaa ku yavo avasigamiraa avanyasaye vuvugadi mba.

Zaburi 71:5

O, Yahova Wuvunyali, inzi suuviraa mu ivi. Inzi mali kusuuvira mu ivi kutura vwana vwange.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Tsing'ano 16:20

Uhulirizi gawigizwaa, na ulanyora madanyi; usuuviri mu Yahova na mulava no vuyanzi.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 39:18

Inzi ligali ndakohonyia, kandi si uliitwa mba. Ivi ulahononoka kutura mu likuza, kigira umali kusuuvira inzi. Inzi Yahova, mali kovora.”

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!