Jeremia 17:6 - KITABU KITAKATIFU

⁶ Aveeye kuli uvulimu voveeye mu changalangwi, kandi sialalola uvulahi vwosi mba. Alamenya havundu haveeye ahumu mwigendanyama, mukivala chijumbi chu mundu atamenyaa mu.

Jeremia 17:6 Iomraidhean Croise

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Ayubu 20:17

Sialava mwoyo okolola migera ja maguta ga muzeituni. Kinga migera jiidolokanga maveere nuvwuki.

Ayubu 39:6

Ndaaziha changalangwe kuva yengo wazio, kandi ndazileka zimenye ku vilelemo viejumbi.

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Zaburi 92:7

Umuchamu anyala kuviruka kuli indiva, yavo avakolaa uvudamanu vanyara komedeka ku miandu; navuzwa valadivizwa ligali mihiga ni mihiga.

Isaya 1:30

Mulaniala kuli musaala, kuli mulimi gwu mundu atasamaa na mazi.

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 48:6

vavoola, ‘Koli vwangu, mwiruki mwehonyie aveene! Munyaguli kuli ibunda yu mu vulimu kandi inyagura mu changalangwi!’

Ezekieli 47:11

Navuzwa mazi gu muvidende ahimbi ku inyanza si nagalengele mba. Nagatigale yo kuli ijumbi.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Vakalagi 9:45

Vulwani vwazizagilira umbasu gwosi. Abimeleki yagumira ilidaala, niyiita avandu vaali mu, naalibomora no kolomba ikivala kuva vugira ivitagwa.