Jeremia 17:25 - KITABU KITAKATIFU

²⁵ Maku avami vaavo kandi vatumikiri vaavo valingira mu virivwa via Jerusalemi kandi valava kondeve yu vwami vwali vwa Daudi. Harara na avandu vi Ivuyuda kandi va Jerusalemi, valanina ku magare gu vulwani kandi ku zibarasi, na lidaala linene lia Jerusalemi lilava na avandu avanyingi kazozo mihiga ni mihiga.

Jeremia 17:25 Iomraidhean Croise

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

2 Samweli 8:4

Daudi yagumira zibarasi elefu ndala ni zimia saba harara navahili vazio, kandi avasikari zielefu sirini vagenda kuvirenge. Daudi yaleka zibarasi zinyala kung'usa magare gu vulwani imia ndala, navuzwa yatema amaki gi zibarasi zindi ziosi.

Kutwula 12:14

Lidiku yili lilava kuli liukwizuliza ku munyi; Gamudukira muligumili live kuli lidiku lie Lisavo ku Yahova. Mulalilinda kuli lilago mihiga ni mihiga.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 13:13

Kunangwa uvavoolera ndi, Inzi Yahova, mboraa ndi, ndanwehiza vandu vikivala yiki iwaini kuduuka lwa vahambika: avami avaveeye visukululwi via Daudi, avasaalisi, avaporofeti kandi avandu vosi avamenyi mu jerusalemi.

Jeremia 22:2

Uhuliri Likuva lia Yahova, O, mwami wi Ivuyuda, oveeye ku endeve yu vwami vwa Daudi, harara na avatumikiri veve, kandi na avandu veve avingiraa mu virivwa yivi.

Jeremia 22:30

“Mundu oyo amali kukalagirwa ku agotiza avana veve, kandi mundu unyala kuzizagilira mba. Si alakave ku ni visukululwi iviliamiiha mu Ivuyuda kuli avavugura uvwamihi kutura ku Daudi mba. Inzi Yahova, mali kovora.”

Jeremia 22:4

Niiva mulakola ligali kuli mali kulaga, visukululwi via Daudi vilazizagilira kuva avami. Yavo harara na avanene vaavo kandi na avandu vaavo, valazizagilira kuvitira mu virivwa vieinyumba yu vwami yiyi ni vanini ku magare gu vulwani kandi ku zibarasi.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Jeremia 33:17

Inzi, Yahova, mali kulaga ndi, kisukururwi cha Daudi kilava mwami wa avandu va Isiraeli mihiga ni mihiga,

Jeremia 33:21

hene yaho indagano yange na Daudi mutumikiri wange, kandi indagano yange na vandu va Levi kuli avasaalisi avatumikaa imbiri wange, ilavunagwa; kandi Daudi sialava ni kisukururwi kiliamiiha mu vwami vwivwe mba.

Jeremia 7:3

Yahova Wuvunyali, Nyasaye wa avandu va Isiraeli avoora ndi, mugirung'anyie liiva lie limenya lienyu, kandi muleke vikolwa vienyu, na ndaleka mumenye havundu hano.

Jeremia 7:7

Niiva mulagirung'ana, ndamuvugirira mumenye havundu hano, mu kivala cha ndahaana ku avaguuga vinyu mihiga ni mihiga.

Kwidzulitsa 17:16

Mwami atava ni zibarasi zinyingi zie liihi lilie mba, kandi atatuma avandu Egebeti kuzia kugura zibarasi zimeedeke mba, kigira Yahova umali kovora ndi avandu veve vatirana yo kandi mba.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

1 Samweli 8:11

Samweli yivaara; “Mwami winyu alamukolera kuli ndi. Alakola vayaayi vinyu kugwa vasikari vu vulwani; valala kuvo valatumika mu magare geege gu vulwani, avandi valanina ku zibarasi zizie ziu vulwani, na vandi valanyagula imbiri wa magare geege gu vulwani.