Jeremia 17:23 - KITABU KITAKATIFU

²³ Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 17:23 Iomraidhean Croise

Zaburi 50:17

Munyi mwavura kuhulira amigizu gange, kandi mwasuura amalago gange.

Tsing'ano 1:3

Zinyala kukwigiza kuli unyala komenya novogeri, kandi kuli unyala kuva musuuvirifu kandi wi liiva liduukiru, mulungi kandi liiva liduukilu.

Tsing'ano 1:5

Zing'ano yizi zinyala komeeda umundu wi limanya ovogeri kandi amigizu,

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Tsing'ano 5:12

na ulavoola, “Kigira ki niimbura kwiga? Kigira ki niimbura koleka mundu angelihizi?

Tsing'ano 8:10

Tovola miigizu gange muvogono vwi ifeza; tovola limanya kuvita kotovola izahabu indahi.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 6:8

Avandu va Isiraeli leki linyangiza yili live chukwiganihiza ku munyi, anoho inzi ndamuleka; ndagirung'anyia lidaala lienyu kuva changalangwi, havundu humundu kali mulala atamenyaa.”

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Zefania 3:7

Ndasuuvira ndi avandu vange vanyara kutia inzi kandi vavugiliri konyoora mageri gange, kunangwa vavuli kwivilira miigizu ga ndavigiza. Navuzwa vatanga kokora vudamanu kali kuvita ing'inga yindi.”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vakalagi 6:10

Ndaamuvolera ndi, Inzi mbeeye Yahova Nyasaye winyu; vanyasaye va Amori, avamumenyaa hagati haavo mba. Navuzwa simwahulira agange mba.”