Jeremia 17:14 - KITABU KITAKATIFU

¹⁴ O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Jeremia 17:14 Iomraidhean Croise

Zaburi 106:47

Okohonyie, O, Yahova Nyasaye wiitu, kandi okoleete harara kutura mu zihiiri, kunangwa kuduuki kukusandiza nu kwizominya lieta liilio litakatifu.

Zaburi 109:1

O, Nyasaye nzizominyaa ivi, utakiring'ana mba.

Zaburi 119:94

Inzi mbeeye woovo, ombonyie! Ngerizi ligali kuhulira malago googo.

Zaburi 12:4

“Kunyi kulaguuta na makuva gaturaa mu minwa jietu, kulavoola goosi ga kugananganaa, na sihaveeye ho nu mundu unyala kukugaya mba.”

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 54:1

O, Nyasaye, ombonyie ni zinguru zizio; kandi omboholore nu vunyali vuvwo!

Zaburi 6:2

Ombere zimbavasi, O, Yahova! Zinguru ziange zifeye ombonyie kutura mu vulwaye vwange, O, Yahova,

Zaburi 6:3

kigira mbulira uvuzunu vululu mu vigumba viange. Muviri gwange gwosi goveeye mu kivi kenene. O, Yahova, ulalindagira kongonya kuduuka ng'inga ki?

Zaburi 6:4

Hamba ombonyie ongonye O, Yahova; kuvitira muzimbavasi zizio mbonyia kutura mulikuza.

Zaburi 60:5

Okohonyie nizinguru zizio; undivuliri lisaala liange. Kunangwa avandu va ivi uyanzaa vaduuki kohonywa.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 31:18

“Inzi mbulira avandu va Isiraeli nivavoora muvovereri, ‘Yahova kwali kuli mutugu gutatugwa, navuzwa wakwigiza kutia amalago. Ukwiranyie; kwetegeki kwirana ku ivi, Yahova Nyasaye wiitu.

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Livalidza 12:13

Kunangwa Musa yanira ku Yahova, “O, Nyasaye, yaanza ohonyie Miriamu!”

Matayo 14:30

Navuzwa lwa yalora imbuza nemeedekaa, yatia, ma natanga kwiyina. Yanira nu mwoyo munene navoora, “Mwami mbonyia!”

Matayo 8:25

Aviigi vazia kuye nivamuvukiza nivavoora, “Mwami okohonyie, kudivaa!”

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Kwidzulitsa 10:21

Mumwizominyi, aveeye Nyasaye winyu, niyie wamukolera vindu vinene kandi viokogenyia yivi viamumali kolola nizimoni zienyu munyi aveene.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.