Jeremia 16:7 - KITABU KITAKATIFU

⁷ Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Jeremia 16:7 Iomraidhean Croise

Ayubu 42:11

Maku avamwavo na vavoozo, na valina va Ayubu vosi, vazia kumugeniha nivalia harara naye nivasaangala munyumba yeeye. Vamanyia liverera liavo ku Ayubu ni vamuleminya mwoyo ku vudinyu vwosi vwa Yahova yaali naleti kuye. Sa mulala yamuha mabesa ni mingiri yi zahabu.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Hosea 9:4

Si mulaleeta vihaanwa vie iwaini ku Yahova mba, kandi si mulamuyaanziza ni visiuviliru vienyu mba. Viukulia vienyu vilava kuli via yavo avasioma, kandi vosi avaalia ku viukulia yivi valoneka. Viukulia yivi vilava kigira inzara yaavo aveene, si valavileeta mu Litembeli lia Yahova mba.

Kwidzulitsa 26:14

Sikwakulia kucho lwa kusiomangi mba. Sikumali kulia kucho lwa kwaali vadamanu kolondekana ni miima ji diini mba; kandi sikuhaani ku kidieli chi likomi yicho kuli isadaka ya vakuzu mba. Kumali kuhulira ivi O, Yahova; kumali kokora kindu choosi kuli wakulaga kolondekana nikidieli chi likomi.