Jeremia 16:16 - KITABU KITAKATIFU

¹⁶ Yahova avoora, “Nziza kutuma avaruvi vanyingi vaze vagumiri avandu yava. Maku ndatuma avahizi vanyingi vaze kuvahima kutura mu vigulu kandi mu tugulu kandi kutura mu zimbinga ziezinyanda.

Jeremia 16:16 Iomraidhean Croise

Litanga 10:9

Yaali muhimi munene kigira Yahova yamukonya, kandi nicho chagira avandu vavoola, “Vwakaveeye vulahi Yahova nakokoli kuva muhimi munene kuli Nimurodi!”

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 7:19

Valaza viduma nividuma nukwizula mu mavoona gaveeye hazwa, mu zimbangaywa mu zinyanda nukukunika vuli kisaka cha mafwa kandi vuli chayilu.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 4:29

Vuli mundu aliruka nukuzia ihale lwa ahulira liyoga lia avandu, vizibarasi na avuvuta avalala valirukira mumulitu, avandi valanina kuzinyanda vuli lidaala lilatigala iliere, nasiaveeyeho nu mundu ulimenyamu kandi mba.

Jeremia 49:5

Ndamutiihiza kutura muzimbega ziosi. Munyi vosi muranyagula kuzia ihale. Vuli mundu alanyagula nukwesoola, kandi sinahaveho nu mundu kali mulala waza yiranyie avasikari vinyu vi liihi harara kandi mba.

Jeremia 6:9

Yahova Wuvunyali yamboolera, “Avandu va Isiraeli valalekwa vuzwa kuli mulimi gwi kizabibu, ugwa mazabibu gagwo gamali kwagurwa. Kunangwa gamuduukira musoole mundu siamulala lwa ing'inga ikikiriho.”

Lisyoma lya Jeremia 4:18

Avasigu vaakohenzeriza; sikwaali kunyala kogenda mu zinzira. Amadiku giitu gaali nigimbiha; keheri chaali nikiduuki.

Lisyoma lya Jeremia 4:19

Avasigu viitu vanyagura zimbiru kuvita zindizu ziu mwigulu; vakukunga kuvitira ku vigulu kandi vaakogoneka mwigendanyama.

Hosea 10:10

Inzi ndingilira vandu vu uvwoni yava kandi ndahaana mageri. Zihiiri zilahambana harara nukuvalwana kandi ndavaha mageri kigira uvwoni vwavo vunyingi.

Amosi 4:2

Kuli Yahova Nyasaye Wuvunyali umali kwisuuha ku lieta lilie litakatifu ndi, “Madiku gaaza ku munyi lwa kunguswa ni zindoani, na vuli mulala munyi alavugulwa kuli zisuzi ku zindoani.

Amosi 5:19

Lilakave kuli mundu wiruka isimba, ma yagana ni iduba! Noho kuli mundu wingiraa munyumba yeeye ma adiira mukono gwigwe ku lidigi, navuzwa enzoka imuluma!

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Zefania 1:12

“Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 26:20

utaleka nzitirwi mu kivala cha vageni, ihale kutura ku Yahova mba. Kigira ki mwami wa Isiraeli yaaze kwita ulororo kuli inzi? Kigira ki ahimaa inzi kuli linyonyi liumuvulimu?”