Jeremia 16:12 - KITABU KITAKATIFU

¹² Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 16:12 Iomraidhean Croise

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 22:28

Inzi ndaavoora “Mwami Jehoyakini amali kugwa kuli kiju kimali kwadika, ikisiuviywi ihale kandi mundu siachenyi mba? Yiki nicho chagira oyo harara na avana veve nivahilwa mu lihaminywa mukivala cha vatamanyi kindu choosi?”

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Lisyoma lya Jeremia 5:7

Avaguuga viitu vakora uvwoni, navuzwa kalunu sivaveeyeho mba, kandi kusalirizwa kigira uvwoni vwavo.

Ezekieli 20:30

Kalunu ovoolere avandu va Isiraeli aga Inzi Yahova Wuvunyali mboraa: Kigira ki mukoraa uvwoni vulala vwere vwa vaguuga vinyu vaakora, nu kusigamira vifananyi viavo?

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Malaki 3:7

Munyi mwaleka malago gange, kandi mwasuura kugagumira kuli vaguuga vienyu va kale. Mwirane ku inzi, na inzi ndamwiranira. Navuzwa muteeva, ‘Kokora ki kuduuki kwirana ku ivi?’

Marko 7:21

Kigira ivitulaa mugati mu mwoyo gwu mundu vituraa mu zing'anagani zindamanu izimwimiliraa kokora uvudamanu zing'ano ziosi, ukunuura, ukwita, livolizana,

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 9:27

Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vakalagi 2:19

Navuzwa lwu mukalagi yalange niyakakuza, vandu va Isiraeli viirana muzinzira ziavo ziukusigamira vanyasaye vandi kali kuvita lwambiri. Vaali vanyara kusigamira vanyasaye vandi mavasuura koleka izinzira ziavo zindamanu.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”