Jeremia 16:10 - KITABU KITAKATIFU

¹⁰ “Lwanovoolere avandu yava yaga goosi, vaza vakoteeve ndi, ‘Kigira ki Nyasaye alagi kivi kenene yiki kukwingilira? Ni vudamanu ki vwa kwakora? Nivwoniki vwakumali kokora ku Yahova Nyasaye wiitu?’

Jeremia 16:10 Iomraidhean Croise

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 2:35

‘Kunyi si koveeye nimbara mba; gaveeye agiligali ndi Yahova siaveeye nu vutima ni kunyi mba.’ Navuzwa inzi Yahova ndamuha amageri kigira muvooraa ndi simwakola uvwoni mba.

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’