Jeremia 15:9 - KITABU KITAKATIFU

⁹ Mukali wagotiza avana veve saba umali kukinda, nukugamula imieka. Vulavu vwi lidiku lilie vumali kugirung'ana kugwa kisundi kenene; Umali kuduuka mu zisoni kandi mwoyo gwigwe gulwaye. Ndaleka avasigu vinyu viiti yavo kumunyi avakikiri mwoyo. Inzi Yahova, mali kovora.”

Jeremia 15:9 Iomraidhean Croise

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 50:12

navuzwa lidaala lienyu linene lilagehizwa kandi lilava muzisoni. Babiloni ilava ihiiri yinyima ku ziosi; lilava liumu kandi lilagwa changalangwi.

Jeremia 6:4

Navavoole, “Mwetegeke kwingilira avandu va Jerusalemi! Mwetegeke! Kulingilira mbasu hagati!” Kunangwa valavoora, “Ing'inga yakuvita, lidiku liveeye ahimbi kufa, kandi mugolova guduuki.

Jeremia 7:19

Navuzwa inzi niyee wavasinyikizaa? Awa, visinyikizaa aveene kandi vivikaa aveene muzisoni.

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 4:10

Avakali vi zimbavasi vadeeka vana vaavo aveene; ni vavalia kuli viukulia lwa vandu vange vadivizwa.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.