Jeremia 15:7 - KITABU KITAKATIFU

⁷ Mali kumusesa kuli amavululi muvuli amadara goosi mu kivala. Ndaamudiviza munyi avandu vange, kandi ndiita avana vinyu vosi, kigira si mwagirung'ana kutura kuzinzira zienyu zindamanu mba.

Jeremia 15:7 Iomraidhean Croise

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 51:2

Ndatuma avageni kuuza kudiviza kivala cha Babiloni kuli imbuza ihuuzanga amavululi. Lwi lidiku liu kudiviza yilio liduka, valingilira kivala cha Babiloni ku zimbega ziosi nokoleka kivala chere.

Jeremia 9:21

Likuza liayingira kuvitira mumadirisia kandi liziiyi muzinyumba zietu ziuvwami; liiti avana kuzinzira, kandi avasaza vasoleri liviti.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 24:25

Yahova yavoola, “Mwana wu Mundu, kalunu ndatulizaho Litembeli lie zinguru iliali uvukumi kandi uvusangari vwavo, iliavayaanziliraa kuhenza ku kandi kuzia mulio. Ndatulizaho avana vaavo avayaayi na vakana.

Ezekieli 36:12

Ndamuleeta munyi, avandu vange Isiraeli, kwirana komenya mu kivala yiki kandi. Kilava chiinyu, kandi si ndaleka vana vinyu vakuzi kigira inzara mba.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Kwidzulitsa 28:18

“Mulalamwa mu lwivulu lwi zinda zienyu, liama lie kivala chiinyu, kandi limeedeka lie viayo vienyu vie zing'ombe kandi vimeme vie chayo cha magondi ginyu vilalaamwa.

Kwidzulitsa 28:32

Avayaayi na vakana vinyu valahaanwa kuli avatugwa kuzihiiri zing'eni muloraa. Vuli lidiku, zimoni zienyu zilahenzerera mbula muvalole ni viranaa, navuzwa sivalirana mba. Makono ginyu sigalava nu vunyali kuvasoora mba.

Kwidzulitsa 28:41

Mulivula vana avayaayi na avakaana, navuzwa ulavagotiza, kigira valahirwa ihale kuli avahambe vuvulwani.