Jeremia 15:6 - KITABU KITAKATIFU

⁶ Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 15:6 Iomraidhean Croise

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 28:13

Yicho nicho kivuni kigira Yahova azizaa kumwigiza induguta ku induguta, luvaso ku luvaso, liegizu ku liegizu. Maku mulikigitala ku vuli kika cha muduukaku; mulaatwa zing'oma, mulahambwa mu mitego, kandi mulahilwa mu vuhambe.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Jeremia 6:19

Huliri, avandu! Kuli amageri kigira lilohiza liavo ndaleta lidivizwa ku avandu yava, kigira vasuura amigizu gange kandi sivahulira amakuva gange mba.

Jeremia 7:16

Yahova yavoola, Jeremia, “Utasaalira avandu yava mba, utavalirira kinga kusaalira kuinzi mu vogono vwavo mba; utavagoonyera ku inzi mba, utagonya inzi kigira yavo mba, kigira si ndakuhulira mba.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 25:7

Kigira mwakora ndio, ndamuviiki muvunyali vwi zihiiri zindi iziaza zimunuuli kandi zimulanye. Ndamudiviza ligali kuduuka; si namuve ihiiri kandi mba, anoho si namuve kandi ni kivala chiinyu aveene mba. Maku namumanye ndi inzi mbeeye Yahova.”

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Zefania 1:4

“Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.

Zekaria 7:11

“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira