Jeremia 15:15 - KITABU KITAKATIFU

¹⁵ Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Jeremia 15:15 Iomraidhean Croise

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Nehemia 6:14

Ndaasaara, “O, Nyasaye wange, yizuliza aga Tobia na Sanibalati vamali kokora na uvahe amageri. Wizulizi mukali oyo Nodia kandi navaporofeti vandi vosi avagerizaa kundihiza.”

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Zaburi 102:24

O, Nyasaye wange, utaambugula kalunu ningikiri kusakula mba. O, Yahova ivi uhindiraa mihiga ni mihiga.

Zaburi 106:4

Unzizulizi O, Yahova, lwa okonyaa avandu vovo; lwa ohonyia avandu vovo, umbalizi harara navo.

Zaburi 119:84

Ndalindilira kuduuka ng'inga ki? Ulahaana mageri ku yavo avadambizaa ng'inga ki?

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Zaburi 44:22

Navuzwa kigira ivi, kunyi kwitwa kazozo, koveeye kuli amagondi gu kwitwa.

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Jeremia 12:3

Navuzwa, Yahova, ivi wamanya inzi; olola agangolaa, kandi kuli ndakuyaanza. Kunga avandu vuvudamanu yava vazie ihale kuli magondi gu kwita; uvalindi kuduuka ing'inga yukusinzwa.

Jeremia 15:10

O, vayaayi kivi keveeye ku inzi! Kigira ki mama wange niyaanzivula nokondeta mukivala yiki? Gaduukanaa nembane nu kuhiing'ana na vuli mundu mu kivala. Inzi sindayegobiza anoho si ndayegoba ku mabesa ku mundu woosi mba; navuzwa vuli mundu alanamaa inzi.

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Jeremia 17:16

Navuzwa, Yahova, inzi si ndakuniga olete ikivi kuvo mba; kandi sindegomba ing'inga yu vudinyu kuza kuvo mba. Yahova, ivi umanyi yaga; kandi umanyi ligali aga inzi mali kovora.

Jeremia 18:23

Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 20:12

O, Yahova Wuvunyali, ivi ogerizaa avandu nuvulungi; wamanya agaveeye mu mioyo jaavo kandi mu zing'anagani ziavo. Kunangwa, ndakayanzi kolola ivi nuvaanzaa kisaalia ku avasigu vange, kigira inzi mali kuviika ku ivi kivuni cha makuva gange.

Jeremia 20:8

Lwa molomanga, nzanira ku ivi kandi mbanzukanga, “Kirage! Kandi vwoneku!” Yahova, inzi mali koleganywa kandi kokolelwa kehenyahenye vuli ing'inga kigira nandizaa likuva liilio.

Lisyoma lya Jeremia 3:64

“O, Yahova, uvahe amageri ku agavamali kokora.

Lisyoma lya Jeremia 3:66

O, Yahova, kutura hasi mulirova liilio uvalondelele muvutima vuvwo nukuvadiviza.”

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Luka 21:17

Avandu vosi valamudunyira kigira inzi.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 8:35

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”

Vakalagi 16:28

Maku Samusoni yasaala navoora, “Yahova Wuvunyali, mwaza nzizuliza; mwaza, Nyasaye, mbe zinguru ziange ing'inga yiyi yenyine vuzwa, oleke mbanze ikisalia ku vandu va Filisitia kigira zimoni ziange ziviri yizi.”