Jeremia 15:14 - KITABU KITAKATIFU

¹⁴ Ndavakora kutumikira avasigu vaavo mukivala cha vatamanyi kindu kali hakuzu, kigira uvutima vwange voveeye kuli umuliru kandi guladuka nukusamba mihiga ni mihiga.”

Jeremia 15:14 Iomraidhean Croise

Zaburi 21:9

Alavadiviza kuli muliru gusambaa lwa alolekaa, Yahova alavamira vugara mu vutima vwivwe na umuliru gulavasamba.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 16:13

Kunangwa, ndamusiuva ichova wikivala yiki, kivala chamunyi anoho avaguuga vinyu vavura kumanya. Weneyeyo namutumikiri avanyasaye vandi mbasu na vudiku, kandi sinambeku ni zimbavasi kumunyi mba.’ ”

Jeremia 17:4

Mulaleka kivala cha ndaamuha nu kukihaana ku avasigu vinyu. Ndamukora mu vatumikiri avasigu vinyu mukivala cha mutamanyi kindu kali hakuzu, kigira uvutima vwange voveeye kuli muliru, kandi guladuka nu kusamba mihiga ni mihiga.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 52:27

mukivala cha Hamazi. Hene yaho, mwami yalaga vakuywi ma viitwi. Kunangwa avandu vi Ivuyuda vaahirwa ihale mu vuhambe kutura mukivala chavo.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

Vahebraina 12:29

kigira Nyasaye wiitu aveeye muliru gusambaa nukudiviza ligali.