Jeremia 15:10 - KITABU KITAKATIFU

¹⁰ O, vayaayi kivi keveeye ku inzi! Kigira ki mama wange niyaanzivula nokondeta mukivala yiki? Gaduukanaa nembane nu kuhiing'ana na vuli mundu mu kivala. Inzi sindayegobiza anoho si ndayegoba ku mabesa ku mundu woosi mba; navuzwa vuli mundu alanamaa inzi.

Jeremia 15:10 Iomraidhean Croise

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

Zaburi 109:28

Vanyara kunaama, navuzwa ivi ungasize. Leka avadambizi vange vaguutwi, kandi leka inzi mutumikiri woovo sangale!

Zaburi 15:5

Mundu uyu si avuguraa viambeti ku mabesa geege mba, kandi siavugula ivikukula akole uvudamanu ku avataveeye nimbala mba. Mundu woosi okola yaga sialadengeyizwa mihiga ni mihiga mba.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Kutwula 22:25

“Niiva ulegobiza amabese ku mulala ku avandu vange avaveeye hagati hinyu avadaka, utakola kuli mwegobizi wa mabese nukumuteva atuungi vukala mba.

Tsing'ano 26:2

Vilaamo sivinyala kukusaliriza niiva siuduukiraa ulaamwe mba, gaveeye kuli manyonyi gilitonderizi ni iminyi gaaburukaa kandi sigagwizaa mba.

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Kyavalevi 25:36

Mutavugula madanyi anoho viambeti viulugano lwosi mba; navuzwa mutie Inzi Nyasaye na muleke umundu wa Isiraeli wache amenye nimunyi.

Kyavalevi 25:37

Mutamwegobiza mabese munyolere ku viambeti mba na mutamugulizira chukulia munyolere ku vukara mba.

Habakuk 1:3

Kigira ki ondeki ndore vudinyu kuli yivu? Wikuzira ndi kolola vudamanu kuli yivu? Vwoneku ni kivihiri vimali kungumberiza. Volembani kandi vulwani viveeye havundu hoosi.

Matayo 24:9

“Maku ing'inga yeyo mulakagumirwi, mudambizwi kandi mwitwi. Zihiiri ziosi zilakamusuli kigira ilieta liange.

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”