Jeremia 15:1 - KITABU KITAKATIFU

¹ Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 15:1 Iomraidhean Croise

Litanga 19:27

Mugambazuri ku lidiku lialondaku, Aburahamu yanyagula kuzia havundu ha yaali nasingiyi imbiri wa Yahova.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Tsing'ano 14:35

Avatumikiri vakora vulahi vayanziza vami vaavo, navuzwa vahaana mageri kuyavo vatakola vulahi.

Jeremia 10:18

Yahova azizaa kumusiuva ichova wikivala yiki; alamusionolanyia kali mulala kumunyi sialatigala mba. Yahova umali kovora.

Jeremia 11:14

Jeremia, utasaala ku inzi anoho kongonya muvogono vwa avandu yava mba. Lwa vaveeye mu vudinyu nu kwaniri ku inzi mbakonye, si ndahulira lianira liavo mba.”

Jeremia 14:11

Yahova yambolera, “Utasaala inzi nduuki kokonya avandu yava mba.

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Jeremia 16:13

Kunangwa, ndamusiuva ichova wikivala yiki, kivala chamunyi anoho avaguuga vinyu vavura kumanya. Weneyeyo namutumikiri avanyasaye vandi mbasu na vudiku, kandi sinambeku ni zimbavasi kumunyi mba.’ ”

Jeremia 16:5

“Utingira muinyumba yavasiomaamu mba. Utaverereraku mundu kali mulala mba. Inzi sindagasiza avandu vange nimirembe anoho kuvamanyia uvuyanzi kandi zimbavasi mba.

Jeremia 18:20

Uvudamanu voveeye nimitungu jiuvulahi? Navuzwa vamali kuyava liliina nduuki kugwa mu. Wizulizi kuli ndaaza komoloma ku ivi muvogono vwavo kunangwa uvuli kuvaha mageri mu vutima vuvwo.

Jeremia 22:28

Inzi ndaavoora “Mwami Jehoyakini amali kugwa kuli kiju kimali kwadika, ikisiuviywi ihale kandi mundu siachenyi mba? Yiki nicho chagira oyo harara na avana veve nivahilwa mu lihaminywa mukivala cha vatamanyi kindu choosi?”

Jeremia 23:39

Inzi ndavavugura ligali nukuvasiuva ihale kutura ku inzi, yavo aveene harara nilidaala liandahana ku harara avaguuga vaavo.

Jeremia 35:19

Kunangwa inze, Yahova Wuvunyali, Nyasaye wa Isiraeli, ndagaa ndi Jonadabu mwana wa Rekabu nave nikisukululwi musaza wu kundumikira mihiga ni mihiga.”

Jeremia 52:3

Yahova yaali nu vutima ligali navandu va Jerusalemi ni Ivuyuda, na yavakunga kutura imbiri weve. Zedekia yibaala ku mwami Nebukadineza wa Babiloni,

Jeremia 9:19

Hulira ilihulirika lielilira mu Ziyoni, “Kwadivizwa! Koveeye muzisoni ligali! Kuduuka kutuli mukivala chiitu; zinyumba zietu zimali kusambulwa.”

Ezekieli 14:14

Kali niiva vandu vavaga yava, Nuhu, Danieli na Ayubu vamenyi mu kivala yiki, valahona kigira uvulungi vwavo.” Yahova Wuvunyali umali kovora.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Hosea 9:15

Yahova avoora, “Uvudamanu vwavo vwosi vwatangila mu Giligali. Haali hene yaaha handatangira kuvadunyira. Kigira uvudamanu vwa vamali kokora, inzi ndavakunga vatuli mu kivala change. Si ndavayaanza kandi mba. Aviimiliri vaavo vosi vamali kwibaala ku inzi.

Zekaria 3:3

Joshua yaali nasingi imbiri wengelosi yaali ni yiviiki zinguvu ziafunya.

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Vahebraina 9:24

Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.

Vakalagi 5:9

Umwoyo gwange goveeye na aviimiliri vu vulwani vwa Isiraeli, harara nayavo avituliza aveene, Yahova yizominywi!

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 7:9

Samweli yita kememe chiligondi ma naakisaamba kigima kuli kisiuviriru ku Yahova. Maku yasaala ku Yahova akoonye Isiraeli, kandi Yahova yamutivulira lisaala lilie.