Jeremia 14:9 - KITABU KITAKATIFU

⁹ Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 14:9 Iomraidhean Croise

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Zaburi 10:1

O, Yahova, kigira ki usingiraa ihale? Kigira ki wivisaa lwa koveeye mu vudinyu?

Zaburi 27:9

O, Nyasaye, muhonyi wange utiivisa kutura ku inzi mba. Kandi utava nu vutima niinzi; utisigana mutumikiri woovo. Ivi oveeye mukonyi wange, utaandeka mba, utaang''ra mba.

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 59:1

Mutaganagana ndi Yahova aveeye mudedekere ligali kali sianyala kumuhonyia mba, anoho sianyala kuhulira lianira lienyu liukwenya ovokonyi mba.

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Jeremia 51:5

Inze Yahova Nyasaye Wuvunyali, sindaaleka avandu va Isiraeli kandi avandu vi Ivuyuda mba; navuzwa avandu va Babiloni vaveeye namahiolo manyingi ku inzi, Mutakatifu wa Isiraeli.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Lisyoma lya Jeremia 5:20

Kigira ki vakoleka kuing'inga itambi? Yivi alakakwizuliziku kandi?

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Habakuk 1:2

O, Yahova, ndavugura ing'inga ki kwanira vokonyi ku ivi nukikiri kuhulira kandi nukikiri kokohonyia kutura mu kilage?

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Livalidza 11:23

Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Vikolwa 15:17

Hene yaho avandu vandi vosi, kandi avandu vi zihiiri vosi ava ndalanga vave avandu avange, valaza ku inzi.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Kwidzulitsa 23:14

mulombe ahokososa hinyu have halahi, kigira Yahova Nyasaye winyu agendaa hokososa hinyu kumukinga nokumuha uvuguuti ku avasigu vinyu. Mutakoli kindu kidamanu kinyala kokora Yahova amuleke mba.

Kwidzulitsa 28:10

Maku avandu vosi vukulirova valalola ndi Yahova umali kumutovola muve vandu aveeve, kandi valamutia ligali.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.