Jeremia 14:8 - KITABU KITAKATIFU

⁸ Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 14:8 Iomraidhean Croise

Zaburi 10:1

O, Yahova, kigira ki usingiraa ihale? Kigira ki wivisaa lwa koveeye mu vudinyu?

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:2

Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 71:5

O, Yahova Wuvunyali, inzi suuviraa mu ivi. Inzi mali kusuuvira mu ivi kutura vwana vwange.

Zaburi 9:9

Yahova aveeye uvuhaliru ku yavo avadambizwa, kandi imbinga enene muzing'inga ziu uvudinyu.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Isaya 33:2

Yahova, okovererere. Kunyi kumali kuviika lisuuvirizwa lietu mu ivi. Ukukingi vuli lidiku na okohonyie ing'inga yuvudinyu.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 45:15

Aveeye Nyasaye wa vandu va Isiraeli kandi muhonyi wa vandu veve. Aveeye Nyasaye wivisaa umwene.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Zekaria 9:12

Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Vikolwa 28:20

Kigira yaga nyenyi kololana no komoloma ni munyi, kigira mboheywi ni minyororo yiji kurwi lisuuvirizwa lia Isiraeli.”

Vakalagi 19:17

Lwu musakulu uyu yahenza, yalora umundu wokologendo niyikaye ahene yaho, na yamuteeva, “Muturaa hai?”