Jeremia 14:3 - KITABU KITAKATIFU

³ Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Jeremia 14:3 Iomraidhean Croise

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 19:4

Mwami munene Daudi yatuma mumoni mwimwe kandi nalira vudinyu, “O, muyaayi wange! Muyaayi wange Abisolomu! Abisolomu muyaayi wange!”

1 Avami 17:7

Inyima wing'inga ngekeeke, kagera zana kuuma kigira imbura siyaakubamba.

2 Avami 18:31

Mutahulirizi ku Hezekia mba. Mwami wa Asiria amulanga muturi mu lidaala linene lienyu na mwihaane kuye aveene. Mwosi mulavugilirwa ukulia makuyu kutura ku mizabibu jenyu aveene, kandi makuyu kutura ku misaala jenyu aveene, nu kunwa amazi kutura mu vidaho vienyu aveene,

Esther 6:12

Kunangwa Modekai yamanya ni yirana ha kirivwa chi inyumba yu vwami, na Hamani yazia yengo vwangu nahenzi hasi mu zisoni zinene novovereri.

Ayubu 6:20

vaveeye ni likuza mioyo kigira migera jaali nijumi.

Zaburi 109:29

Leka vasigu vange vaviikwi mu zisoni zinene ligali; leka viviiki zisoni kuli iganza.

Zaburi 40:14

Leka yavo venya kunzita, vaguutwi ligali kandi vagoyana. Leka yavo avayaanzaa kigira uvudinyu vwange, viranywe inyima kandi vaduuki mu zisoni.

Jeremia 14:4

Kigira imbura sieveeye ho mba, kandi lirova liveeye iliumu, avalimi vasaalira mu mioyo; ma vava mu zisoni.

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:37

Mulagirung'ana kutura ku avandu va Egebeti nimufumi makono mu zimoni zienyu kigira zisoni. Inzi Yahova, mali kusuura yavo avamusuuviraa muvo; kandi si valamukonya mba.”

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Joeli 1:20

Kali zinyama ziumbulimu zianira ku ivi kigira migera ja mazi jaakama, kandi gwasamba vwayiru viu mwigendanyama.

Amosi 4:7

Kandi lwi vitagwa vienyu vienya imbura, ndaagumira ivule kukuba. Ndaleta imbura ku lidaala lilala, na ndagaya ivule kukuba ku mulimi gundi maniguniala.

Amosi 4:8

Kulwayago, avandu vamadaala vazia mu madaala gandi vasuuvira valanyora mazi, navuzwa sivanyoola mazi gavaduka mba. Kali ndio simwirana ku inzi mba.

Zekaria 14:17

Niiva ihiiri ilakasuuli kuzia kusigamira Yahova Wuvunyali kuli mwami, si valakanyore imbura mu kivala chavo mba.