Jeremia 14:2 - KITABU KITAKATIFU

² “Avandu vi Ivuyuda vasioma; avandu va madaala manene gi Ivuyuda vakuza, avandu va madaala yaga vaagoni hasi ku marova mu vovereri; kandi avandu va Jerusalemi vanira ovokonyi!

Jeremia 14:2 Iomraidhean Croise

Ayubu 34:28

Kunangwa vaniga avadaka vaaniri ligali ku Nyasaye; naye yahulira lilira liavo kigira kwenya ovokonyi.

Zaburi 144:14

Zing'ombe zietu ziivulane muvunyingi ligali vugira lilogosa anoho uvudinyu, kandi litavaho ni lilira lie linyang'ana mu madaala giitu mba.

Kutwula 2:24

uwahulira likenya liavo ma niyizuliza lilagana lilie lia yalomba na Aburahamu, Isaka na Yakobo.

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Isaya 24:11

Haveeye ho nililira linene mu zinzira kigira sihaveeye ho niwaini mba; uvusangari vwosi vumali kohera; uvuyanzi vumali kutulizwaho mulirova.

Isaya 24:4

Lirova liumaa nukuniala; Lirova liosi lidedekeraa; Lirova niligulu, viombi vigundaa.

Isaya 24:7

Mizabibu jinialaa, na iwaini sienyoolekaa mu vodoto mba. Vuli mundu uwaali nuvuyanzi, aveeye novovereri kalunu,

Isaya 3:26

Avalindi vu mu virivwa viavo valakaliri nu kusioma. Lidaala linene lia Jerusalemi lilatigala liere, kuli mukali walekwa yikaye hasi naveeye chahonyo.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 12:11

Vamali kokekola ligendanyama; keveeye hazwa imbiri wange. Kivala choosi chaagwa changalangwi, siaveeyeho kali mulala okehendera mwoyo mba.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 18:22

Tuma avandu vikivihiri valanye zinyumba ziavo vugira lieganihiza; uvakole vaaniri mulitiihizwa. Vamali kulima liliina nduuki kugwamu kandi vamali kotega mitego jingumili.

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Jeremia 46:12

Zihiiri zimali kuhulira zisoni zienyu; vuli umundu umali kuhulira nimulira. Musikari mulala yichigatira ku wundi ma vosi vaagwa.

Jeremia 8:21

Mwoyo gwange gulwaye, kigira avandu vange vakuzi; inzi siomaa kandi mbeeye mu lihenda mwoyo ligali.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Lisyoma lya Jeremia 5:10

Inzara igiri konyooye vulwaye kuduuka ligodo lietu ligwiyi lihiu ligali kuli lihiga.

Hosea 4:3

Kandi ndio kivala kiluma, kandi kindu choosi kemenya mu kivala kilakakuzi. Zinyama ziosi, manyonyi gumuvwerefu, kandi kali zisuzi ziu mu inyanza vilakakuzi.”

Joeli 1:10

Imilimi jiveeye imiere; na avandi vasioma kigira vuswage vwononyiywi, ni mizabibu jumi kandi misaala ja mizeituni jiniaye.

Joeli 1:11

Munyi avalimi, muverere; muliri, munyi avalindaa milimi jiemizabibu kigira ingano nu vuswage nivitagwa viosi vimali kwononywa.

Joeli 1:14

Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

Joeli 2:6

Lwa ziesunda himbi, vuli mundu atizaa; mumoni mwosi mugirung'anaa mamubuhera.

Haggai 1:11

Inzi mali koleta kimeyu mu kivala choosi: ku vigulu, mu milimi ju vuswage, mu milimi ji kizabibu kandi mu milimi ja mizeituni, kandi ku vuli kitagwa kimeraa, ku vandu, zinyama kandi ku vuli kindu cha mugerizaa kutaga.”

Zekaria 7:13

Sindaavativulira lwa vasaala kigira sivahulira lwa ndamoloma mba.

1 Samweli 5:12

Kali yavo avavura kukuza valwala miihi, kandi lianira liavo liaduuka mwigulu.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”