Jeremia 14:19 - KITABU KITAKATIFU

¹⁹ Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 14:19 Iomraidhean Croise

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Ayubu 30:26

Navuzwa lwa ndahenzelera uvulahi, uvudamanu vwaduuka. Kandi lwa ndalindilira nyoore uvulavu, kisundi chaduuka.

Zaburi 78:59

Nyasaye yasinyika lwa yalora vindu yivi ligali; Kunangwa yasura avandu veve Isiraeli.

Zaburi 89:38

O, Nyasaye, kalunu oveeye nu vutima nu mwami mutovole woovo, umali kumusuura nukumuleka.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Jeremia 12:7

Yahova avoora, “Inzi ndaaleka avandu va Isiraeli; inzi ndaasuura ihiiri yange endovole. Ndahaana avandu vange vandayaanza kuzingulu zia vasigu vaavo.

Jeremia 12:8

Avandu vange vatovole vamali kusuura; vamali kufuumira kuli isimba yu mulitu, kunangwa mali kuvadunyira.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Jeremia 30:12

Yahova avolera avandu veve, “Zingwago zienyu sizinyala kohona mba, zingwagu zienyu sizinyala kohona mba.

Jeremia 30:13

Umundu avulaho kali mulala unyala ku umulinda, runyasi lwizingwagu zienyu luvulaho, lisuuvira kigira ovohonyi ku munyi si liveeyeho mba.

Jeremia 51:5

Inze Yahova Nyasaye Wuvunyali, sindaaleka avandu va Isiraeli kandi avandu vi Ivuyuda mba; navuzwa avandu va Babiloni vaveeye namahiolo manyingi ku inzi, Mutakatifu wa Isiraeli.

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Jeremia 7:29

“Musiome, munyi avandu va Jerusalemi, muvege liisu lienyu na mulisiuvi ihale. Mwimbi zinyimbu zie likuza ku zindongozi zie vigulu, kigira inzi Yahova mbeeye nu vutima, mali kusuura avandu vange.

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Lisyoma lya Jeremia 2:22

Kuli ulaga ku lidiku lie lisavo, nindio umali kulagila kunyi avasigu ku zimbega ziosi. Si yaliho nu mundu kali mulala uwahononoka anoho uwahona mulidiku liilio liu vutima mba. Avasigu viitu vaadiviza avana va kwayaanza kandi ni kuvirukiza.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Lisyoma lya Jeremia 5:22

Anoho ivi waakusula kunyi ligali? Ivi ulazizagilira kuva nu vutima ni kunyi?

Mika 1:12

Avandu va Marozi valinda nu vuha konyoora livoholorwa, kigira Yahova umali koleta lidiviza ahimbi ni lidaala linene lia Jerusalemi.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.