Jeremia 14:16 - KITABU KITAKATIFU

¹⁶ Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Jeremia 14:16 Iomraidhean Croise

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 9:16

Yavo avimiliraa avandu yava vamali kuvachaminya kandi kuvagoyanyia ligali muno.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 20:6

Na ivi Pashuri, harara na avandu vi inyumba yooyo mulagumirwa nu kuhirwa mu vutugwa mukivala cha Babiloni. Uwene yeyo ulakuzira yo kandi ulatevwa yo, harara na avalina vovo vosi avawavooleraa ovovehi vunyingi ligali.’ ”

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 4:18

Vayuda munyi mumali kweletera yaga kolondekana nilimenya liamumali komenya kandi nivindu viamumali kokora. Uvwoni vwinyu vumali kumuletera uvusaaliri yivu; Gamali kusaliliza mioyo jinyu ligali.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 7:33

Miviri ja vakuzu yiji jilava viukulia via manyonyi kandi vie zinyama ziu muvulimu, si halavaho nu mundu mulala ulinyala kuzitiihiza mba.

Jeremia 8:1

“Ku ing'inga yene yeyo, vigumba via avami vi Ivuyuda kandi vigumba via avanene, avasaalisi, avaporofeti kandi na avandu vandi vosi avamenyaa mu Jerusalemi, vilakatulizwi mu virindwa.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Jeremia 9:20

Inzi ndaavoora, “Avakali munyi, muhuliri Yahova, kandi muhulirize amakuva geege. Mwigizi vakana vinyu kuli vasioma, kandi avalina vinyu kuli vimba lwimbu lwi likuza.

Jeremia 9:22

Miviri jiavakuzu jiasalanywa havundu hoosi, kuli vitumi vie isiina mumirimi, kuli uvuswage votemeywi nukungarwa numugesi, kuli uvuswage vumundu atavungizi. Yaga nigo aga Yahova amboleeye mbore.”

Ezekieli 39:14

Inyima wi mieli saba jimali kuvita, avandu vasaza valatovolwa kuvitira hagati hi kivala kwenyeleriza nokonyoora miviri jatigala kumalova nukujiyavira, kunangwa vaduuki kunihiza kivala kandi.

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Matayo 15:14

“Mutavahendera mwoyo mba. Vaveeye aviimiliri vavoku. Umboku niyimilira umboku, vombi valagwa mu vogo.”

Likunula 16:1

Ndaahulira mwoyo munene ni gomolomaa kutura mu Litembeli, ni govoolera zingelosi saba nigovoora, “Tuli muzie kusundura zibakuli saba ziu uvutima vwa Nyasaye ku lirova!”